AL SHABAAB NAIROBI PIGO KWETU TANZANIA

Na Conges Mramba Jumatano, Agosti 7 mwaka huu tulikumbuka mashambulizi ya magaidi yaliyofanywa katika Balozi za Marekani, Dar es salaam na Nairobi ; mwaka 1998 .Na  juzi tu,tukakumbuka matukio ya Septemba 11,mwaka 2001.Leo tunaomboleza,West Gate Nairobi.Watu takriban sabini wamekufa,wengi wamejeruhiwa vibaya!     Zaidi ya watu 240 walikufa mwaka 1998; hawa hawakuwa wa  Kenya pekee bali pia wa Tanzania . Hawakuwa wa kabila moja au wa  dini fulani, waliokuwa wakisali msikiti mmoja ama kanisa fulani. Magaidi ni hatari kwa raia wote wa dunia.     Tunawaombolezea waathirika wa tukio hilo la Agosti 7 mwaka huo wa 1998, ambalo msingi mkubwa ni uadui kati ya Marekani na Waarabu walioamua kuisaka Marekani popote duniani, ili kulipa kisasi.     Naam,kuisaka Marekani katika ardhi yetu, kusababisha hasara ya maisha na mali za watu wetu, ni vitu tunavyovipinga leo na kesho hata kama mbingu zishuke; ama jua litue mchana saa saba! Hata mgogoro wa Somali ni matokeo ya Vita Baridi kati ya Urusi na Marekani na washirika wao,sisi tunapokwenda kupambana na al-shabaab ama al-Qaeda,maana yake twapambana na mabaki ya minyukano ya Mashariki na Magharibi.     Si lengo la ukurasa huu kusema kwamba magaidi ni Waarabu peke yao, ama watu wa imani fulani. Nitajadili malengo ya ugaidi na chimbuko lake. Nitajadili imani inavyoupa msukumo na nguvu ugaidi duniani.    Kuna vikundi tele vya kigaidi duniani. Usishangae, hakuna gaidi anayejiita gaidi. Wote wanajiita, wanaharakati(activists) wa ‘Haki’ za ubinadamu wao. Ugaidi unakula maisha ya watu na mali vinapopotea au kuharibiwa.   Kila mmoja ana tafsiri yake ya ugaidi. Sitajali kusikia Rais George W. Bush wa Marekani naye ni gaidi kama Osama bin Laden. Hata hivyo, najua, magaidi kama wale waliolipua Balozi la Marekani Dar es salaam na Nairobi, Agosti 7 miaka 10 iliyopita, wote ni wauaji; wanastahili adhabu kali. Walioua watu Nairobi nao wanastahili adhabu kali.    A-Qaeda ni kundi la harakati za kigaidi, bila kujali wanaharakati wake wanatokana na itikadi gani. Japan, kuna kundi moja linaitwa, “Ukweli Mkuu” kwa Kijapani, Aum shinrikyo-hawa nao hata wakifanya mauaji, watasema wameua ili kuueneza huo Ukweli(The supreme Truth). Mauaji hayaenezi haki yoyote.    Uhispania, kuna kundi linaitwa, ETA(Freedom for The Bosque Homeland), nalo linadai uhuru. Lebanon , kuna kundi maarufu sana kama , Hezbollah(Chama cha Bwana Mungu), wakati Ireland Kaskazini kuna kundi liitwalo, Irish Republican Army(IRA).     Nchini Israeli, kitovu cha uadui wa mgogoro wa Mashariki ya Kati, kuna kundi liitwalo, Kach and Kahane Chai, Uturuki kuna PKK(Kurdistan Peoples Party), Sri Lanka kuna, Liberation Tigers of Tamil Eelam(LTTE); wakati nchini Iran kuna Mujahedin-E-Khalq.    Ugiriki kuna kundi linaitwa, November 17 Revolution.  Juzi tulisikia kundi la FARC(Revolutionary Armed Forces of Columbia) likifanya utekaji nyara; lakini ni ‘Jeshi la Kimapinduzi’.Jeshi la kimapinduzi hupindua raia?    Hakuna anayemaizi kuwa matendo yake ni kinyume cha sheria za nchi, za kimataifa, ama ubinadamu. Wengine wanajisingizia, wametumwa na Mungu ili kuwaua binadamu wenzao, waabudu sanamu ama wapagani.   Wapo, Shining Path kule Peru . Columbia pia kuna National           Liberation Army(ELN), na Ufilipino kuna New People’s Army.     Tumjadili kidogo tu, gaidi la kale, Ilych Ramirez Sanchez, ambaye kwa utani anaitwa, Carlos The Jackal-mzaliwa wa mjini Caracas , Venezuela . Venezuela , ni nchi aliyoongoza Hugo Chavez, ambaye alimtukana rais Bush, wakati anahutubia Mkutano wa Umoja wa Mataija, jijini New York , akapewa saa chache awe ameondoka nchini humo. Chavez alishakufa akabaki Nicolas Maduro.    Carlos, gaidi anayetumikia kifungo cha maisha   Ufaransa, ikifika Oktoba 12 mwaka huu, atakuwa anaadhimisha miaka 59 ya kuzaliwa kwake.   Sasa, huyu jamaa katika mafaili ya uhalifu na Jinai duniani, kuna mambo yake mengi, ambayo yametokana na chuki za siku nyingi kati ya nchi za Amerika ya Kusini(zilifuata siasa za Carl- Marx) na Marekani. Carlos, ambaye baba yake alikuwa mjamaa, alimpeleka Chuo Kikuu cha Patrice Lumbumba, mjini Moscow , kusoma.    Huko alikutana na Wapalestina, akaiva katika siasa za mrengo tofauti na ubeberu wa Kimarekani.    Hata jina ‘Ilych’  aliitwa na babaye ili kuwaenzi ‘makomredi’ wa Urusi ya Ujamaa, akina Lenin.    Sasa Carlos anaipinga Marekani hata huko jela, alishasema alimuunga mkono Osama bin Laden, kwa asilimia 100; na kwamba anawataka watu wasiache kujitoa mhanga ili kufa na Wamarekani, popote walipo!    Nitajadili kauli hii baadaye kidogo. Hata hivyo, huyu jamaa aliyetiwa mbaroni na mashushushu wa Ufaransa akiwa mjini Khartoum, Sudan alishakaa Urusi tangu 1968, amekaa Ujerumani mwaka 79, amekaa Syria 91-93, na Ufaransa. Vituko vyake unaweza kuvipata katika sinema za akina James Bond.   Hapa, nitajadili ugaidi, si Carlos.    Naam, ugaidi wa Agosti 7 mwaka 1998, ulileta hadithi nyingi. Lakini, tuseme kwamba wale magaidi walishambulia Balozi za Marekani Dar es salaam na Nairobi , karibia muda uleule mmoja, kwa sababu nchi hizi hazikuwa zimejiandaa.    Wengine wanasema hata Kampala ingeshambuliwa. Kilichoiponya ati ujio wa Rais Bill Clinton wakati ule mjini Kampala , ulivifanya vikosi vya usalama vya Uganda kuwa ‘more alert’ kuliko Dar na Nairobi ! Hayo tuyaache. Kampala ilishambuliwa na al-Shabaab mwaka 2010 wakati wa Kombe la Dunia Afrika Kusini.      Shambulizi lingine la magaidi Afrika Mashariki lilifika Novemba 28 mwaka 2002.  Magaidi waliua watu 16 mjini Mombasa, katika hoteli ya Paradise iliyoko Kikambala. Ni kilomita 25 kutoka mjini Mombasa.    Hii hoteli ni ya Waisraeli; sasa unaweza kukisia hata wewe, kwamba ilishambuliwa na adui zao Wapalestina. Wapalestina walikuja Afrika Mashariki kuwawinda adui zao Waisraeli, katika ardhi ya Kenya. Hawakuua Waisraeli tu, waliua na Wakenya, na raia wa mataifa mengine.    Sasa tuseme, vita vya kudai uhuru vinavyoendeshwa na Wapalestina dhidi ya Mayahudi, vina leseni ya kuua na kuumiza binadamu wengine wasio na hatia?    Halafu, hao magaidi wa Kipalestina walifanya jaribio la kuilipua ndege ya Arkia Airlines ya Israeli, iliyokuwa ikiruka kutoka uwanja wa ndege wa Moi, mjini Mombasa. Bahati tu, lile kombora, bila shaka la Kirusi, liliikosa- kosa ndege ile iliyokuwa na abiria 271 hivi.     Fikiria, kama kombora lile lingeipata ndege ile,wangekufa Waisraeli pekee?  Hata raia wa mataifa mengine, wasiojua uadui waa Israeli na Wapalestina wangeungua katika miali ya moto wa mlipuko. Sasa ugaidi unasura ya ukombozi  au uokozi na uhuru wa wapi?    Narejea mada yangu ya madhara ya ugaidi Afrika Mashariki. Matukio yote ya ugaidi yalisababisha watu mamia kufa, inakisiwa kulitokea hasara ya dola mabilioni. Ili kuponya majeraha ya ugaidi, zimetumika dola matrilioni, ambazo pengine zingetumiwa kuleta maendeleo-ugaidi ni adui wa maendeleo ya watu.    Nimesema magaidi wapo Wazungu kama IRA, na wa mataifa mengine kama akina Carlos The Jackal; lakini ni magaidi. Magaidi hawana rangi, dini ama taifa moja.    Ugaidi ni mauaji ya kinyama yanayoendana na matakwa ya ulipaji kisasi. Pengine, magaidi kama Black Banners wa Iraki, wakati ule wa vita, waliwateka jamaa watatu wa Kenya, ili kutafuta fedha kutoka kwa makampuni waliyofanyia kazi.    Sasa nijadili jambo ambalo watu hupenda kunitolea  matusi. Watoa lugha chafu, hawana weledi juu ya lolote. Silaha yao ni matusi na vitisho. Wanadhani, ukweli ni ule unaolingana na wanavyopenda, ama wanyofikiria wao.     Hata hivyo, ugaidi ni unyama, hata Mungu mahali popote hajawahi kusema watu walipizane visasi. Sera za ‘Jino kwa Jino’ ama ‘TIT FOR TAT’ ni za Ibilisi. Mungu anawataka watu kutong’oana meno, ili kulipa baya kwa baya?  ungu anawataka watu wawe vibogoyo au chongo?   Juzi, Papa Benedict XVI ameungama kwamba Kanisa Katoliki nalo lilishafanya ugaidi. Ugaidi hauna rangi, kanisa, msikiti wala watu wa kabila moja.    Nilipata kutukanwa na hawa jamaa kwa kupinga kauli ya Carlos, kuwataka watu kufuga midevu mingi kama shamba la miwa la Kilombero, halafu  eti wasiache kujilipua ili kuwakomesha Wamarekani, popote watakapowaona!     Sasa kama Carlos kawaambia, kwa nini wasiende kujilipua New York au Washington ? Kwa nini Mombasa , Nairobi au Dar? Huku Wamarekani hawapo!  Mkijilipua huku mnatuumiza sisi, wao hawapo. Kama wapo ni mmoja tu au wawili-wafuateni Wamarekani kwenye uwanja wa mapambano! Wenye uwezo walikwenda kulipua New York na Washington, Septemba 11 mwaka 2001; hadi leo historia inaelekea kuwasahau.    Sipendi kuamini kuwa, mtu mwenye uwezo wa kufikiri anaweza kuwa’Shahidi’ mwaminifu wa imani yake(uwe Ukristo,upagani ama Uislamu)kwa kujilipua, ili afe yeye na kumuua adui!    Huku ni kushika dini kupita kiasi(fanaticism), kunakogeuza dini kuwa vifo na mauti, kwamba ni ushahidi(martyr). Hii si Jihad halali kuua hata watoto wasio na hatia, kwa sababu tu walikaa meza moja na adui.Kwa nini kuua adui mmoja kati ya ndugu mamia?     Najua vita kati ya Waisraeli na Waarabu wa Mashariki ya Kati, inaitwa ‘Vita kati ya wema na uovu’. Sasa kama pande mbili zinaua hata wasiohusika, mwema nani na mwovu ana alama gani?    George Bush na Tony Blair, wakati wanaishambulia Irak, walisema ni vita dhidi ya watu wasiostaarabika. Wakati magaidi waliposhambulia London, wakasema ni vita dhidi ya ustaarabu.Sasa tujiulize pia, kuua watu wasiohusika hata huko Irak ni ustaarabu? Ni kwa sababu hii, safu hii inasisitiza kuwa mauaji ni jinai, na kila muuaji ni Ibilisi mwenye mikia saba.     Hakuna kitabu kitakatifu kinachotuma watu kuwaua wenzao wasioamini ama waabudu sanamu. Ndiyo maana hapa Tanzania si lazima kwa mujibu wa Katiba mtu kuwa dini fulani.Hata wapagani na waabudu sanamu ni watu; wasiuawe kwa kutokuwa na dini kwao.    Nasema hivi kwa sababu rafiki yangu aliniambia, Allah kasema kuua hawa walao nguruwe ni kupata thawabu hata akhera!(to be elevated to a higher plane of existence, where life is an eternal bliss).    Ni kwa sababu hii, msomi na mhadhiri, Imam  mashuhuri anasema kila siku, kwamba Kuran inakataza kabisa kuua au kujitoa mhanga-na kwamba wanaofanya hivyo, hawafanyi kwa jina la Uislam; bali wanasaliti mafundisho ya Mtume Muhammad.     “Hatutaruhusu imani yetu adhim kutekwa nyara na wahalifu”, alisema.  Maneno kama haya kayasema Kiongozi wa Upinzani Bungeni juzi, Hamad Rashid Mohamed, alipokuwa akitoa hutuba fupi wakati wa kuaga mwili wa Chacha Zakayo Wangwe, “Rasta” wa Tarime. Buriani Chacha Wangwe.     Hamad Rashid, alisema alikwaruzana na Marehemu Chacha Wangwe, lakini wakasameheana, kwa sababu, Kuran inasema, ‘kusamehe ni lazima’ ili upate thawabu.   Biblia inasema kusamehe ‘saba x sabini’ maana yake siku zote za maisha. Saba ni alama ya ukamilifu wa utimilifu; hivyo tusichoke kusamehe.  Sasa  hata hapa mtanitukana na kutishia kunipiga kwa kuhimiza amani? Mungu gani kawaambia kumpiga mwenye mawazo tofauti nanyi? Dini yenu  ni ya amani, kwa nini Jino kwa Jino?     Nilishasema katika makala mbili zilizotangulia, kwamba kuna upendeleo na ‘double standards’. Alichofanya Bush au Blair, akikifanya Mugabe au Mpalestina, ataitwa gaidi, wao “Patriots”.   Hili ni tatizo ambalo haliondolewi kwa watu kujilipua, lawama hizi haziondoki kwa kujifunga mabomu. Hatupambani na ‘metropolitan power’ kwa kulipua Dar, Mombasa na Nairobi.Tunatakiwa kuilipua Washington kisayansi, maana yake kumlipua Bush pekee bila raia wasio na hatia.    Ukijifunga bomu utamlipua Blair au Bush? La hasha. Utawalipua ndugu zako wa Dar, Mombasa ama Nairobi. Tutafute njia mwafaka ya kuondoa ‘double standards’ duniani. Tusijiite, “Liberators” ama ‘in the service of’ Allah’ kumbe wauaji wa ndugu zetu wenyewe.   Tusidhani tunakomboa, kumbe tunajiua! Kujiua ni dhambi kubwa na kosa katika sheria za binadamu na Allah. Mashahidi waaminifu wa imani, hawatoki msikiti fulani tu, hata sinagogi au kanisa.  Je, hamjaona watu wakienda uwanja wa ndege na biblia pasipo nauli,hati za kusafiria wala visa wakadhani Mungu atawapeleka Ulaya kuhubiri? Huku nako kujifunga mabomu! Magaidi hawana dini moja.    Nimalize, kwa kusema Kuzimu kumepanua kinywa chake. Kuna visasi vingi tangu matukio ya Septemba 11 mwaka 2001. Lakini, tuangalie faida yake nini? Nani kasema ukifa kwa kujilipua kwa bomu na kuangamiza Mzungu mmoja na Waafrika wenzako 200 ni thawabu? Imani zisitugawe;sisi ni wamoja hapa Tanzania ama Afrika.   Tutafakari msugoano uliopo kati ya Magharibi na Mashariki. Leo, siasa za akina Hugo Chavez, zinashindwa. Akina Carlos The Jackal wanaonekana majambazi tu, hata kama walifanya kazi bega kwa bega na makomredi kama Fidel Castro, katika kuzuia ubeberu.   Hatuwezi kuupinga ubeberu kwa kuangamizana Paradise Mombasa, au katika usafiri wa ndege kama ile ya Arkia Airline, ama wa treli London.   Hata katika balozi za Wazungu, kama Dar, Kampala na Nairobi, ukijilipua hukosi kuua Mzungu mmoja na Waafrika wenzako 300. Kuna thawabu gani hapo?    Tufanyeje sasa? Tufikiri kwa makini; tuepuke kutukana watu, kupandisha mizuka ili kuhuisha roho ya kisasi. Tutaushinda uadui kwa akili na imani,  si imani bila busara. Busara hutoka kwa Mungu.Kwa mungu kuna haki na thawabu. Mungu ni wa utaratibu, si wa machafuko.Palipo na machafuko, hapana Mungu. Na sheria ni msumeno.    . Ukweli si ule unaomfrahisha mtu; ukweli ni mchungu lakini mtamu. Ukweli ni ubinadamu. Tuimarishe ubinadamu-humanity. Ndivyo tunavyoikumbuka Septemba 11 mwaka 2001,tunawapa pole Nairobi kwa kipigo cha al-SHABAAB,   www.congesmrambatoday.blogspot.com   0754 324 074,0786 324 074

MAGAIDI WA BLACK SEPTEMBER

POLISI WA UJERUMANI walifika katika kijiji cha Olimpiki saa 11 Alfajiri.

Wale magaidi wa Kiarabu-Black September-walipoona polisi wamewasili katika mabweni ya Waisraeli, mahali walipowashikilia mateka wao, wakamtumia Kamanda wa Kikosi cha Polisi ujumbe kwa Kiingereza.

“Kuwaachilia huru wafungwa 200  Wapelestina waliokuwa wakishikiliwa katika jela la Israeli! Kama mamlaka  haitatekeleza madai haya mara moja, katika muda wa saa 3 Asubuhi, mateka(Wanariasha wa Israeli watauawa!” Ujumbe ule ulisema.

Ujumbe ule ukafafanua kuwa kila baada ya nusu saa wangekuwa wakichinjwa wawili-wawili!

Hata hivyo, muda wa nusu saa uliowkwa na hao magaidi kuwa wa mwisho(dead line)ili kutekeleza madai yao ulisogezwa mbele.

Baadaye, wateka nyara wa Kipalestina wakaongeza madai mengine kwamba,ilikuwa lazima wakubaliwe wao na mateka wao(Waisraeli) waondoke kwenda katika nchi yoyote ya Kiarabu, ambayo wangeichagua wao.

Elewa mateka wa Kiisraeli walikuwa ndani ya bweni, wakiwa wamefungwa mikono na miguu tena wakiwa wamefungiwa kitandani, wasiweze kufanya chochote, tena chini ya ulinzi wa SMG na AK-47.

Polisi wangejitia hata kuvunja mlango wa bweni lile(ulifungwa) mateka wale wangeweza kulipuliwa hata na maguruneti, pengine wangelipuliwa kwa risasi za rashasha,maiti zao zikakutwa zimetobolewa mithili ya chandarua1

 Umbali wa zaidi kidogo ya mita 220 kutoka jingo walimokuwa mateka wale wa Israeli,Mkuu wa Polisi wa mjini Munich, Manfred Schreiber, aliwaita Makomandoo 600,wakiwa na magari ya deraya.

Walitaka kuzingira bweni lile,na walikuwa na ambulance tayari kuchukua zile maiti za Yule Muisraeli aliyepigwa risasi, Moshe WEINBERG.

Schreiber, alikwenda na makomandoo wake kulihusuru lile jengo walimokuwa wale mateka wakiwa wameshikiliwa chini ya ulinzi mkali wa wateka nyara wa Kipalestina-wee uwasikie tu.

Alikutana na wale wanaume wa kazi-Black September- wakiwa wamevalia kofia nyeupe za tennis huku nyusoni wakiwa wametilia miwani myeusi ya jua, SUN GLASSSES.

Kiongozi wa Magaidi hao wa Kipalestina alikuwa mtu mwenye msimamo mkali. Schreiber aalipomtazama usoni, akaona alikuwa hatanii.Alikusudia kumtia chini ya ulinzi, akagwaya.

“Do you want to take me?”

Kiongozi wa magaidi wa Black September akamsaili Mkuu huyo wa polisi wa Mjini Munich.

Akafanya kama ananyoosha mkono wake ili labda utiwe pingu,kumbe ulikuwa na guruneti mkononi!

Kuanzia hapo simu zikaanza kupigwa mfululizo baina ya Munich, Bonn na Jerusalem.

Waziri Mkuu wa Israeli, Bibi Golda Meir na Mawaziri wake wakakaa kufikiri namna ya kufanya ili kuwaokoa mateka hao huko Munich.Mwisho, walikasirika na kuwaambia Wajerumani kwamba waliwajibika kwa uzembe wao,kwa hiyo iliwapasa kuokoa maisha ya wanamichezo hao ambao wamefanyiwa unyama katika ardhi yao!

Wakati haya yakitokea, kama umbali wa mita 400 tu kutoka hapo,michezo ya Olimpiki ilikuwa ikiendelea kama kawaida.

Wakati huo,Waziri wa Mambo ya Ndani wa Ujerumani, Dietrich Gensncher, (nilimsikia katika taarifa za habari nikiwa mtoto, nikisoma darasa la pili)alianza mazungumzo ya kutafuta mwafaka(negotiations) kati ya wateka nyara wa Kipalestina na serikali ya Israeli na Ujerumani Magharibi zama hizo-Siku hizi Ujerumani ni moja baada ya Ukuta wa Berlin kuvunjwa mwaka 1991.

Gensncher, aliahidi magaidi wa Kipalestina kupewa KITITA CHA NOTI, kama wangekubali kuwaachia mateka wale.

Walizungumza ana kwa ana na Waziri huyo huku akiwahadaa, “Serikali ya Israeli bado inajadiliana ni mateka wangapi wa Palestina waachiliwe huru; bado kutoa jawabu” Waziri Gensncher alisema.

Black September, wakasogeza mbele tena ule muda walioweka-deadline-ya kuwaulia mbali wale mateka, kutoka Adhuhuri hadi saa 7 za mchana. Wakasogeza tena mbele deadline hadi saa tisa alasiri, hadi saa 11 jioni,ili serikali ya Israeli ikubali mateka wa Kipalestina Waachiliwe huru huko Jerusalem.

Kama msomaji unakumbuka kisa cha Iddi Amin Dada kilichosimuliwa katika gazeti hili, utakumbuka hata pale Entebbe, wakati magaidi wa Kipalestina wanawashikilia abiria wa Air France Air Bus, walitoa madai haya haya ya kutaka Israeli kuwaachia huru wanamgambo wa Kipaletina walioshikiliwa labda Tel Aviv au pengine popote katika ardhi ya Mayahudi.

Walisogeza mbele muda hadi mara sita.

Waziri Gensncher akaomba kwanza akawaone kwa maho hao mateka.Wakamchukua hadi bwenini,akawaona tisa wamefungwa watatu watatu mikono na miguu kwenye kitanda.

“Nimewaambia”,Gensncher akasema, “Kama wakikubali,basi ninyi muondoke na hawa mateka hadi nje ya Ujerumani”, wakati huo zilikuwa Ujerumani mbili,Berlin na Bonn.

Serikali ya Ujerumani ikifikiri cha kufanya ili kuwanusuru Waisraeli mikononi mwa mauti. Kama ingekurupuka,wale wateka nyara wangewaulia mbali hao mateka,halafu lawama zingekuwa pale pale,kwamba kwa uzembe wao raia wa mataifa ya kigeni waliokwenda kushiriki mashindano ya Olimpiki ya Munich, mwaka 1972 walitekwa nyara na kuuawa kinyama.

Kama ingekuwa hapa Tanzania, ungesikia kila mwanasiasa akiilaumu serikali kwa uzembe, pengine hata hapo mitaani kwenu,mngesema polisi wazembe lazima hata walipewa rushwa!

Basi,serikali ya Ujerumani ikawaleta polisi wenye shabaha, sharp shooters, wakiwa wavevalia fulana za kuzuia risasi kupenya-Bullet Proof juu ya jezi za kimichezo walizovalia.

Kamera kali sana zenye zoom zikawamulika hao makomandoo, hadi kule mateka wa Israeli walikokuwa wanashikiliwa.

Walichelea kuwafyatulia risasi wale magaidi wasije kufanya kosa moja halafu Black September wakawageukia wale adui zao na kuwalipua. Hapa kulikuwa na hesebu kali za nyoka na panya wanapokutana katika tundu dogo.

TV na Radio zikaanza kutangaza mkasa ule wa magaidi wa Kiarabu kuwateka nyara wanariadha wa Israeli hapo Munich.

Waisraeli 100 vijana wadogo wakaimba wimbo wao wa Taifa-HATIKVAH-kuwaambia Waisraeli waliotekwa nyara hapo Munich,

“Mjue hapo mlipo kwamba hamko peke yenu,tupo pamoja nanyi!”

Helkopta za polisi zikaanza kupaa angani katika vichwa vya wanamichezo wa Olimpiki.

                 

Naam, hadi wakati huo serikali ya Israeli nay a Ujerumani zilikuwa kiti moto.

Kansela Willy Brandt, BAADA YA KIKAO NA Baraza lake la Mawaziri mjini Bonn,alienda Munich ili kutafuta suluhisho la magaidi wale katika nchi yake.

Naandika kisa hiki kilichotokea mwaka 1972 leo wakati kunapokuwa na kisa kama hiki huko Jamhuri ya Kenya,baada ya magaidi labda al-Shabaab kuvamia Westgate.

Mawazo aliyo nayo Rais Uhuru Kenyatta,ni kama alivyokuwa Kansela Willy Brandt, wakati Waisraeli walipokuwa wametekwa nyara na magaidi wa Kipalestina katika bweni huko katika kijiji cha Olimpiki mjini Munich.

Nimekuambia,wakati huo Waziri Mkuu wa Israeli alikuwa mwanamama,Golda Meir, ambaye sasa alilihutubia Bunge kusema,  “Ilikuwa vema timu yetu kususia michezo ya Olimpiki iliyokuwa ikiendelea hapo Munich”.

Rais Richard Milhouse Nixon(alijiuzulu mwaka uliofuata kwa kashfa ile ya Watergate) alituma pole nyingi sana mjini Jerusalem; akaamuru Balozi za Marekani zote katika nchi za Kiarabu kushinikiza mateka wale kuachiwa huru.

Msomaji, nataka nikwambie kwamba,Rais wa Marekani ni mithili ya samba hapa duniani.

Anaponguruma ili kushinikiza jambo la muhali,dunia hukimbizana mithili ya vi-swala…Marais wa Kiarabu tumbo likawa joto!

Barozi za Kiarabu mjini Bonn-Arab League- waliwabembeleza wale wapalestina,pasipo mafanikio.

Kansela Willy Brandt wa Ujerumani,akampigia simu Rais Anwar al Sadat wa Misri, akamuunganisha na Waziri Mkuu,Aziz Sidky, aliyesema, “Hatutaki kuhusishwa na jambo hilo”.

Brandt, aliamuru wateka nyara kuondoka na mateka wao Waisraeli,wasije wakawapiga risasi bure ikifika asubuhi. Kumbuka sasa ilikuwa usiku hiyo Septemba 5,mwaka huo 1972.

Black September walisema watawaua hao mateka wa Israeli popote,kama serikali yao itajitia kichwa ngumu kutowaachilia huru mateka wa Kiarabu huko mjini Jerusalem.

Kwa msomaji anayesoma kisa hiki hapa, atapata picha kwamba,mashambulio ya kigaidi hata ya West gate, yanaweza kuandamana na madai kama haya ama wakati mwingine kikadaiwa kikombozi cha mamilioni ya fedha!

Ugaidi siyo ujambazi kama huu wa kawaida,lazima watu kuelewa.Ugaidi una sura ya kulipa visasi juu ya vuguvugu Fulani la siasa za kiulimwengu.

Kufuatia hali hiyo,Kansela wa Ujerumani ,Willy Brandt alitokwa kijacho chembamba!

“Haiwezekani kuona jambo kama hilo likitokea katika nchi yetu”,Willy Brandt alijiambia kimoyomoyo, “Tutawajibika kwa ajili ya maisha ya mateka hao Waisraeli”, alisema

Wateka nyara wakapigasimu toka humo ndani ya lile bweni kwenda mataifa ya Kiarabu.Walipiga Tunisia,hapakuwa na jibu la kuwasaidia, hata simu yenyewe haikupokelewa.

Si unajua Rais wa Marekani,Nixon alishapiga simu huko sasa nchi za Kiarabu kuonekana ziliwasaidia hao magaidi ingekuwa issue ya kupigwa hata na Drones!

Kumbuka, Marekani imetishia Balozi zote za nchi za Kiarabu kutokuwapokea magaidi hao wala kuwapa msaada.

Hata hivyo,sasa mashindano ya Olimpiki yangekuwa hatarini.Waziri wa Mambo ya Ndani wa Ujerumani Magharibi, Hans Dietrich Gensncher, alimwambia Willy Brandt,

“Tusiwaache hapa Munich,isije kuwa noma bure,tuwaruhusu waondoke!” alisema.

Kufuatia hali hiyo, magaidi wale na mateka wao walichukuliwa hadi uwanja wa ndege wa jirani na Munich ambako wangekwea Lufthansa 727 Jet,hadi wanakotaka? Subiri uone kasheshe kama ya al-Shabbaab, West gate.

Baada ya saa 4 usiku(saa 18 baada ya kuwateka nyara Waisraeli) magaidi wanane wa Kipalestina wakawaongoza mateka wao mikono ikiwa imefungwa nyuma mgongoni, wakatoka nje ya bweni lile,wakatembea chini ya ulinzi,wakaingia ndani ya basi la rangi ya kijivu.

Walipelekwa hadi katika helkopta ambayo wangeitumia kuondoka hapo Munich,

‘Chopper ’mbili ziliwachukua hao magaidi  tisa na mateka wao wanane,Walipaa angani dakika kama 13 hivi hadi Furstenfeldbruck,kituo cha jeshi la Anga ambacho kilikuwa umbali wa kama maili 16 nje ya Munich.

Chopper ya tatu ilishapaa mapema kabla ya hizo mbili kutua;nayo iliwachukua maofisa wa Kijerumani na mashushushu wa Kiisraeli(Mosad), na kwa vyovyote huko kungekuwa na balaa kubwa!

Kumbe, uwanja huo wa ndege ulikwishazingirwa na askari 500 wenye silaha mkononi.

Walengashabaha(sharp shooters) walijiandaa kupokea amri ya kuwafagilia mbali wale magaidi wa Kiarabu.Walitarajia magaidi wanane wauliwe ili mateka 9 wa Istraeli waokolewe.Picha ni kama hiyo ya Westgate kati ya Al Shabbab na polisi wa Nairobi na washirikwa wa usalama.

Chopper ilipotua tu, wale magaidi walitegemea wawili kati yao wangeilinda ile 727,wawili wangechupa nje ya hiyo Boeing,nikisema 727 ni hiyo ndege iliyowaleta hapo.

Ingawa waliambiwa wasithubutu kuwageuza hata Wajerumani kuwa mateka,hao magaidi waliamuru hizo Chopper kuondoka hara sana hapo uwanjani.

Kumbe,Makomandoo wa Ujerumani watatu walikuwa kwenye mnara wa kuongozea ndege,ni kama yadi 38 hivi kutoka kwenye hizo chopper,wawili walikuwa ardhini.

Haikuchukua muda,vita vikali sana vikaanza.Waarabu wakawafyatulia risasi hao Wajerumani.

Mkuu wao tayari akarukia chini ya mvungu wa helkopta akaanza kumwaga risasi.Kwa saa nzima wakabadilishana risasi,vita vikapamba moto.

Baadaye,magaidi watano na kiongozi wao walilala mauti baada ya kupigwa risasi.Walikwishawaua wale mateka Waisraeli wote tisa,kwa sababu walikuwa bado wakiwa wamefungwa mikono nyuma mgongoni ndani ya zile chopper mbili wakati vita vinapamba moto.

Wale wanne waliungulia ndani ya chopper baada ya kulipuliwa na guruneti la wale magaidi wa Kipalestina,watano walipigwa kwa SMG NA AK -47 za magaidi.

Kufuatia vita hivi,polisi waliwatia mbaroni magaidi watatu;kati yao wawili wakiwa wamejeruhiwa vi-baya.

Itaendelea

0713 324 074

www.congesmrambatoday.blogspot.com

MAGAIDI WA BLACK SEPTEMBER

POLISI WA UJERUMANI walifika katika kijiji cha Olimpiki saa 11 Alfajiri.

Wale magaidi wa Kiarabu-Black September-walipoona polisi wamewasili katika mabweni ya Waisraeli, mahali walipowashikilia mateka wao, wakamtumia Kamanda wa Kikosi cha Polisi ujumbe kwa Kiingereza.

“Kuwaachilia huru wafungwa 200  Wapelestina waliokuwa wakishikiliwa katika jela la Israeli! Kama mamlaka  haitatekeleza madai haya mara moja, katika muda wa saa 3 Asubuhi, mateka(Wanariasha wa Israeli watauawa!” Ujumbe ule ulisema.

Ujumbe ule ukafafanua kuwa kila baada ya nusu saa wangekuwa wakichinjwa wawili-wawili!

Hata hivyo, muda wa nusu saa uliowkwa na hao magaidi kuwa wa mwisho(dead line)ili kutekeleza madai yao ulisogezwa mbele.

Baadaye, wateka nyara wa Kipalestina wakaongeza madai mengine kwamba,ilikuwa lazima wakubaliwe wao na mateka wao(Waisraeli) waondoke kwenda katika nchi yoyote ya Kiarabu, ambayo wangeichagua wao.

Elewa mateka wa Kiisraeli walikuwa ndani ya bweni, wakiwa wamefungwa mikono na miguu tena wakiwa wamefungiwa kitandani, wasiweze kufanya chochote, tena chini ya ulinzi wa SMG na AK-47.

Polisi wangejitia hata kuvunja mlango wa bweni lile(ulifungwa) mateka wale wangeweza kulipuliwa hata na maguruneti, pengine wangelipuliwa kwa risasi za rashasha,maiti zao zikakutwa zimetobolewa mithili ya chandarua1

 Umbali wa zaidi kidogo ya mita 220 kutoka jingo walimokuwa mateka wale wa Israeli,Mkuu wa Polisi wa mjini Munich, Manfred Schreiber, aliwaita Makomandoo 600,wakiwa na magari ya deraya.

Walitaka kuzingira bweni lile,na walikuwa na ambulance tayari kuchukua zile maiti za Yule Muisraeli aliyepigwa risasi, Moshe WEINBERG.

Schreiber, alikwenda na makomandoo wake kulihusuru lile jengo walimokuwa wale mateka wakiwa wameshikiliwa chini ya ulinzi mkali wa wateka nyara wa Kipalestina-wee uwasikie tu.

Alikutana na wale wanaume wa kazi-Black September- wakiwa wamevalia kofia nyeupe za tennis huku nyusoni wakiwa wametilia miwani myeusi ya jua, SUN GLASSSES.

Kiongozi wa Magaidi hao wa Kipalestina alikuwa mtu mwenye msimamo mkali. Schreiber aalipomtazama usoni, akaona alikuwa hatanii.Alikusudia kumtia chini ya ulinzi, akagwaya.

“Do you want to take me?”

Kiongozi wa magaidi wa Black September akamsaili Mkuu huyo wa polisi wa Mjini Munich.

Akafanya kama ananyoosha mkono wake ili labda utiwe pingu,kumbe ulikuwa na guruneti mkononi!

Kuanzia hapo simu zikaanza kupigwa mfululizo baina ya Munich, Bonn na Jerusalem.

Waziri Mkuu wa Israeli, Bibi Golda Meir na Mawaziri wake wakakaa kufikiri namna ya kufanya ili kuwaokoa mateka hao huko Munich.Mwisho, walikasirika na kuwaambia Wajerumani kwamba waliwajibika kwa uzembe wao,kwa hiyo iliwapasa kuokoa maisha ya wanamichezo hao ambao wamefanyiwa unyama katika ardhi yao!

Wakati haya yakitokea, kama umbali wa mita 400 tu kutoka hapo,michezo ya Olimpiki ilikuwa ikiendelea kama kawaida.

Wakati huo,Waziri wa Mambo ya Ndani wa Ujerumani, Dietrich Gensncher, (nilimsikia katika taarifa za habari nikiwa mtoto, nikisoma darasa la pili)alianza mazungumzo ya kutafuta mwafaka(negotiations) kati ya wateka nyara wa Kipalestina na serikali ya Israeli na Ujerumani Magharibi zama hizo-Siku hizi Ujerumani ni moja baada ya Ukuta wa Berlin kuvunjwa mwaka 1991.

Gensncher, aliahidi magaidi wa Kipalestina kupewa KITITA CHA NOTI, kama wangekubali kuwaachia mateka wale.

Walizungumza ana kwa ana na Waziri huyo huku akiwahadaa, “Serikali ya Israeli bado inajadiliana ni mateka wangapi wa Palestina waachiliwe huru; bado kutoa jawabu” Waziri Gensncher alisema.

Black September, wakasogeza mbele tena ule muda walioweka-deadline-ya kuwaulia mbali wale mateka, kutoka Adhuhuri hadi saa 7 za mchana. Wakasogeza tena mbele deadline hadi saa tisa alasiri, hadi saa 11 jioni,ili serikali ya Israeli ikubali mateka wa Kipalestina Waachiliwe huru huko Jerusalem.

Kama msomaji unakumbuka kisa cha Iddi Amin Dada kilichosimuliwa katika gazeti hili, utakumbuka hata pale Entebbe, wakati magaidi wa Kipalestina wanawashikilia abiria wa Air France Air Bus, walitoa madai haya haya ya kutaka Israeli kuwaachia huru wanamgambo wa Kipaletina walioshikiliwa labda Tel Aviv au pengine popote katika ardhi ya Mayahudi.

Walisogeza mbele muda hadi mara sita.

Waziri Gensncher akaomba kwanza akawaone kwa maho hao mateka.Wakamchukua hadi bwenini,akawaona tisa wamefungwa watatu watatu mikono na miguu kwenye kitanda.

“Nimewaambia”,Gensncher akasema, “Kama wakikubali,basi ninyi muondoke na hawa mateka hadi nje ya Ujerumani”, wakati huo zilikuwa Ujerumani mbili,Berlin na Bonn.

Serikali ya Ujerumani ikifikiri cha kufanya ili kuwanusuru Waisraeli mikononi mwa mauti. Kama ingekurupuka,wale wateka nyara wangewaulia mbali hao mateka,halafu lawama zingekuwa pale pale,kwamba kwa uzembe wao raia wa mataifa ya kigeni waliokwenda kushiriki mashindano ya Olimpiki ya Munich, mwaka 1972 walitekwa nyara na kuuawa kinyama.

Kama ingekuwa hapa Tanzania, ungesikia kila mwanasiasa akiilaumu serikali kwa uzembe, pengine hata hapo mitaani kwenu,mngesema polisi wazembe lazima hata walipewa rushwa!

Basi,serikali ya Ujerumani ikawaleta polisi wenye shabaha, sharp shooters, wakiwa wavevalia fulana za kuzuia risasi kupenya-Bullet Proof juu ya jezi za kimichezo walizovalia.

Kamera kali sana zenye zoom zikawamulika hao makomandoo, hadi kule mateka wa Israeli walikokuwa wanashikiliwa.

Walichelea kuwafyatulia risasi wale magaidi wasije kufanya kosa moja halafu Black September wakawageukia wale adui zao na kuwalipua. Hapa kulikuwa na hesebu kali za nyoka na panya wanapokutana katika tundu dogo.

TV na Radio zikaanza kutangaza mkasa ule wa magaidi wa Kiarabu kuwateka nyara wanariadha wa Israeli hapo Munich.

Waisraeli 100 vijana wadogo wakaimba wimbo wao wa Taifa-HATIKVAH-kuwaambia Waisraeli waliotekwa nyara hapo Munich,

“Mjue hapo mlipo kwamba hamko peke yenu,tupo pamoja nanyi!”

Helkopta za polisi zikaanza kupaa angani katika vichwa vya wanamichezo wa Olimpiki.

                 

Naam, hadi wakati huo serikali ya Israeli nay a Ujerumani zilikuwa kiti moto.

Kansela Willy Brandt, BAADA YA KIKAO NA Baraza lake la Mawaziri mjini Bonn,alienda Munich ili kutafuta suluhisho la magaidi wale katika nchi yake.

Naandika kisa hiki kilichotokea mwaka 1972 leo wakati kunapokuwa na kisa kama hiki huko Jamhuri ya Kenya,baada ya magaidi labda al-Shabaab kuvamia Westgate.

Mawazo aliyo nayo Rais Uhuru Kenyatta,ni kama alivyokuwa Kansela Willy Brandt, wakati Waisraeli walipokuwa wametekwa nyara na magaidi wa Kipalestina katika bweni huko katika kijiji cha Olimpiki mjini Munich.

Nimekuambia,wakati huo Waziri Mkuu wa Israeli alikuwa mwanamama,Golda Meir, ambaye sasa alilihutubia Bunge kusema,  “Ilikuwa vema timu yetu kususia michezo ya Olimpiki iliyokuwa ikiendelea hapo Munich”.

Rais Richard Milhouse Nixon(alijiuzulu mwaka uliofuata kwa kashfa ile ya Watergate) alituma pole nyingi sana mjini Jerusalem; akaamuru Balozi za Marekani zote katika nchi za Kiarabu kushinikiza mateka wale kuachiwa huru.

Msomaji, nataka nikwambie kwamba,Rais wa Marekani ni mithili ya samba hapa duniani.

Anaponguruma ili kushinikiza jambo la muhali,dunia hukimbizana mithili ya vi-swala…Marais wa Kiarabu tumbo likawa joto!

Barozi za Kiarabu mjini Bonn-Arab League- waliwabembeleza wale wapalestina,pasipo mafanikio.

Kansela Willy Brandt wa Ujerumani,akampigia simu Rais Anwar al Sadat wa Misri, akamuunganisha na Waziri Mkuu,Aziz Sidky, aliyesema, “Hatutaki kuhusishwa na jambo hilo”.

Brandt, aliamuru wateka nyara kuondoka na mateka wao Waisraeli,wasije wakawapiga risasi bure ikifika asubuhi. Kumbuka sasa ilikuwa usiku hiyo Septemba 5,mwaka huo 1972.

Black September walisema watawaua hao mateka wa Israeli popote,kama serikali yao itajitia kichwa ngumu kutowaachilia huru mateka wa Kiarabu huko mjini Jerusalem.

Kwa msomaji anayesoma kisa hiki hapa, atapata picha kwamba,mashambulio ya kigaidi hata ya West gate, yanaweza kuandamana na madai kama haya ama wakati mwingine kikadaiwa kikombozi cha mamilioni ya fedha!

Ugaidi siyo ujambazi kama huu wa kawaida,lazima watu kuelewa.Ugaidi una sura ya kulipa visasi juu ya vuguvugu Fulani la siasa za kiulimwengu.

Kufuatia hali hiyo,Kansela wa Ujerumani ,Willy Brandt alitokwa kijacho chembamba!

“Haiwezekani kuona jambo kama hilo likitokea katika nchi yetu”,Willy Brandt alijiambia kimoyomoyo, “Tutawajibika kwa ajili ya maisha ya mateka hao Waisraeli”, alisema

Wateka nyara wakapigasimu toka humo ndani ya lile bweni kwenda mataifa ya Kiarabu.Walipiga Tunisia,hapakuwa na jibu la kuwasaidia, hata simu yenyewe haikupokelewa.

Si unajua Rais wa Marekani,Nixon alishapiga simu huko sasa nchi za Kiarabu kuonekana ziliwasaidia hao magaidi ingekuwa issue ya kupigwa hata na Drones!

Kumbuka, Marekani imetishia Balozi zote za nchi za Kiarabu kutokuwapokea magaidi hao wala kuwapa msaada.

Hata hivyo,sasa mashindano ya Olimpiki yangekuwa hatarini.Waziri wa Mambo ya Ndani wa Ujerumani Magharibi, Hans Dietrich Gensncher, alimwambia Willy Brandt,

“Tusiwaache hapa Munich,isije kuwa noma bure,tuwaruhusu waondoke!” alisema.

Kufuatia hali hiyo, magaidi wale na mateka wao walichukuliwa hadi uwanja wa ndege wa jirani na Munich ambako wangekwea Lufthansa 727 Jet,hadi wanakotaka? Subiri uone kasheshe kama ya al-Shabbaab, West gate.

Baada ya saa 4 usiku(saa 18 baada ya kuwateka nyara Waisraeli) magaidi wanane wa Kipalestina wakawaongoza mateka wao mikono ikiwa imefungwa nyuma mgongoni, wakatoka nje ya bweni lile,wakatembea chini ya ulinzi,wakaingia ndani ya basi la rangi ya kijivu.

Walipelekwa hadi katika helkopta ambayo wangeitumia kuondoka hapo Munich,

‘Chopper ’mbili ziliwachukua hao magaidi  tisa na mateka wao wanane,Walipaa angani dakika kama 13 hivi hadi Furstenfeldbruck,kituo cha jeshi la Anga ambacho kilikuwa umbali wa kama maili 16 nje ya Munich.

Chopper ya tatu ilishapaa mapema kabla ya hizo mbili kutua;nayo iliwachukua maofisa wa Kijerumani na mashushushu wa Kiisraeli(Mosad), na kwa vyovyote huko kungekuwa na balaa kubwa!

Kumbe, uwanja huo wa ndege ulikwishazingirwa na askari 500 wenye silaha mkononi.

Walengashabaha(sharp shooters) walijiandaa kupokea amri ya kuwafagilia mbali wale magaidi wa Kiarabu.Walitarajia magaidi wanane wauliwe ili mateka 9 wa Istraeli waokolewe.Picha ni kama hiyo ya Westgate kati ya Al Shabbab na polisi wa Nairobi na washirikwa wa usalama.

Chopper ilipotua tu, wale magaidi walitegemea wawili kati yao wangeilinda ile 727,wawili wangechupa nje ya hiyo Boeing,nikisema 727 ni hiyo ndege iliyowaleta hapo.

Ingawa waliambiwa wasithubutu kuwageuza hata Wajerumani kuwa mateka,hao magaidi waliamuru hizo Chopper kuondoka hara sana hapo uwanjani.

Kumbe,Makomandoo wa Ujerumani watatu walikuwa kwenye mnara wa kuongozea ndege,ni kama yadi 38 hivi kutoka kwenye hizo chopper,wawili walikuwa ardhini.

Haikuchukua muda,vita vikali sana vikaanza.Waarabu wakawafyatulia risasi hao Wajerumani.

Mkuu wao tayari akarukia chini ya mvungu wa helkopta akaanza kumwaga risasi.Kwa saa nzima wakabadilishana risasi,vita vikapamba moto.

Baadaye,magaidi watano na kiongozi wao walilala mauti baada ya kupigwa risasi.Walikwishawaua wale mateka Waisraeli wote tisa,kwa sababu walikuwa bado wakiwa wamefungwa mikono nyuma mgongoni ndani ya zile chopper mbili wakati vita vinapamba moto.

Wale wanne waliungulia ndani ya chopper baada ya kulipuliwa na guruneti la wale magaidi wa Kipalestina,watano walipigwa kwa SMG NA AK -47 za magaidi.

Kufuatia vita hivi,polisi waliwatia mbaroni magaidi watatu;kati yao wawili wakiwa wamejeruhiwa vi-baya.

Itaendelea

0713 324 074

www.congesmrambatoday.blogspot.com