sangara

sangara

Jesse Owens

SANGARA WANATOWEKA ZIWA VICTORIA

HATARI ZIWA VICTORIA

               KUTOWEKA  KWA SANGARA ZIWA VICTORIA

     Watu Milioni zaidi ya  30  wa nchi za Maziwa Makuu  hatarini kufa njaa

*mamiloni wengine wamepoteza ajira;ndiyo chanzo cha maandamano na vurugu Kanda ya Ziwa

Na conges mramba,Mwanza

SAMAKI wa Ziwa Victoria wanazidi kupungua, kufuatia uchafuzi wa mazingira, uvuvi usioendelevu, na uchoyo wa watu wa Magharibi na mawakala wao Wahindi,  kuhakikisha wanasomba  hata vifaranga,hadi ziwa litakapokauka!

Taasisi ya Globefish iliyo chini ya Shirika la Chakula na Kilimo la Umoja wa Mataifa (FAO), imesema  athari zilizoletwa na  filamu ya Darwin’s Nightmare katika masoko ya minofu ya sangara Ulaya, zilidunu kwa muda mfupi tu.

Lakini sasa, Tanzania,Kenya na Uganda wametindikiwa samaki wa kupeleka   katika masoko ya Umoja wa Ulaya,EU.

     Kulingana na ripoti  ya mwezi Agosti,mwaka 2006, iliyosainiwa na Helga Josupit; inayopatikana katika mtandao wa Kompyuta (Internet), soko la minofu ya sangara liliathiriwa haraka kiasi cha kutosha, mara baada ya filamu ya Darwin’s Nightmare kuonyeshwa katika televisheni, lakini athari hizo zilikoma baada ya kitambo kifupi.

       Ripoti hiyo ilisema,  sababu za kushuka kwa mauzo ya minofu ya sangara katika masoko ya Umoja wa Ulaya (EU)  kuanzia miaka mitano liyopita, ni uzalishaji kupungua kulinganisha na miaka ya 2000,2003, na 2004.

     Katika nchi zote tatu za Afrika Mashariki, Kenya ,Uganda na Tanzania, sangara walioagizwa Ulaya walipungua kutoka tani 56,000 (mwaka 2004 )hadi  52,800 (mwaka 2005); ingawa thamani ya minofu hiyo iliongezeka.

Hadi mwezi huu wa Desemba,mwaka 2012 bei ya samaki katika viwanda imeporomoka kwa kasi,hata kama hakuna sangara tena ziwa Victoria,kulinganisha na miaka 10 iliyopita.

    Ongezeko lilikuwa kutoka euro milioni 192 hadi milioni 210 kufuatia matatizo katika usambazaji, yaliyosababisha ongezeko la euro 3.43 kwa kilo mwaka juzi, hadi yuro 4.00 kwa kilo mwaka 2005.

Hata hivyo, bei hiyo haikufikia ,rekodi ya yuro 5.00 kwa kilo; iliyofikiwa mwaka 2002, muda mfupi baada ya Umoja wa Ulaya kuanza tena kuagiza samaki, baada ya kufungiwa.

Umoja wa Ulaya ulisusa kuagiza sangara kyoka Afrika Mashariki,kufuatia tetesi za uvuvi wa sumu.

     Kulingana na FAO, kupungua kwa sangara waliopandikizwa ziwa Victoria miaka ya 60,  sasa kumeletwa na kupungua kwa kina cha maji ya ziwa Victoria; na kwamba hali hiyo huenda ikawasababishia maelfu ya wafanyabiashara ya samaki na wavuvi kukosa kazi.

Sangara wanapopungua Ziwa Victoria, makambi ya uvuvi hufungwa na kuwakosesha watu ajira na kipato, hali inayowafanya kuingia katika uhalifu na vurugu,hususan katika mikoa ya Mwanza.

Jiji la Mwanza,halijasahau fujo za       mwaka 2011,zilizosababisha wahuni kuvamia maduka ya Wahindi,huku wakiwataka waondoke!

Mali nyingi ziliporwa na vijana waliojidai Wamachinga.

sangara

Hivi sasa wavuvi hulazimika kuvua mbali, lakini mahitaji bado ni makubwa kulinganisha na kiasi kinachopatikana; hali inayowafanya wavuvi kugharimia fedha nyingi ili kumudu gharama za uendeshaji.

     Mwaka 2006,wakati huo Naibu Katibu Mkuu wa CCM Bara, Jaka Mwambi,alipokuwa akitoa tamko la chama kuiunga mkono kauli ya serikali kuilaani filamu ya Darwin’s Nightmare, iliyobatizwa jina “mapanki”  akasema ndiyo chanzo cha kupungua kwa ulaji wa minofu ya sangara katika nchi filamu hiyo ilikoonyeshwa.

Wakati huo,Chama cha Mapinduzi kilitazama hasara ya viwanda vya samaki na haikutazama athari za baadaye ambazo sasa zinaonekana kwa fujo na maandamano kila mara ya wamachinga hapa Jijini Mwanza.

     Kauli hiyo ya CCM juu ya athari za Darwin’s Nightmare ilitafsiriwa kuwa ya kisiasa zaidi, kwa kuwa imeacha kuainisha matatizo mengine yanayoikumba sekta ya samaki, hadi kusababisha mauzo kupungua, kufuatia samaki wa aina nyingi kutoweka ziwa Victoria.

     Hata hivyo, ripoti ya FAO inaonyesha kupingana na kauli hiyo ya CCM, ikionyesha dhahiri kuwa kushuka kwa mauzo ya samaki Ulaya sasa kunatokana na matatizo ya kimazingira, na wala siyo filamu ya Darwin’s Nightmare.Samaki wametoweka takriban aina 300 walioliwa na sangara ambaye pia ametoweka.

      “Madhara iliyopata minofu ya sangara mwaka jana(2005) yalitokea haraka katika nchi filamu hiyo (documentary) ilikoonyeshwa katika televisheni, hali hiyo ikasababisha  upungufu wa kutosha; lakini kwa bahati athari hizo zilidumu kwa muda mfupi,”Imesema ripoti hiyo,  ya FAO kwenye mtandao huo wa Internet, na kuongeza kwamba juhudi zinafanywa kuhakikisha hali hiyo inarekebishwa, ikiwemo kutafuta mazingira ya haki ya biashara hiyo ya minofu ya sangara ,katika masoko ya Ulaya.

   Kulingana na ripoti hiyo, kupungua kwa samaki katika ziwa Victoria hakujaifanya Tanzania isiwe nchi inayoongoza kwa mauzo ya sangara Ulaya.Kenya pia imeripotiwa mauzo yake kupungua, wakati Uganda mauzo yao yameongezeka kwa tani 5,000 na kuifanya nchi hiyo ‘kuikalia kooni’ Tanzania kwa mauzo hayo ya sangara katika masoko ya Umoja wa Ulaya mwaka huo wa 2005.

   Mwaka 2005, Uganda iliuza tani 23,793 ambazo ni tani 87 tu nyuma ya Tanzania iliyouza minofu yenye uzito wa tani 23,880.

Kenya mwaka 2005 iliuza tani 5,176.

Hata hivyo, Uganda ilinufaika zaidi kwa kupata yuro milioni 101,318; wakati Tanzania ikipata yuro milioni 87,723. Kenya ilipata yuro milioni19,087 mwaka 2005 kutokana na mauzo yake.

 Nchi zilizoongoza kwa manunuzi ya sangara  katika masoko ya Ulaya ni  Hispania, ikifuatia Ufaransa, na Italia.Wakati huo ndege 10 za Ukraine na Urusi zikisomba tani 50 za sangara kila siku kupeleka Ulaya,wakati wananchi walipokula mapanki.

Uholanzi na Ubelgiji ndiyo kituo cha kwanza cha kusambazia sangara katika masoko ya Ulaya; wakati Ufaransa na Italia siku za karibuni zilianza kuagiza sangara moja kwa moja toka Afrika Mashariki.

    Mbunge wa Ukerewe,wakati huo akiwa  Rais wa Bunge la Afrika,  na Mwenyekiti wa Chama cha Wavuvi (TAFU) na Mwenyekiti wa  Wabunge wa Mwanza,Gertrude Ibengwe Mongella, aliwahi kusema  kwamba, kama hatua za dharura hazitachukuliwa, samaki watakwisha katika ziwa hili la pili kwa ukubwa duniani.

Ni la kwanza Afrika lenye maji baridi.

 sangara

    Lina ukubwa wa eneo; kilometa za mraba 68,800.Kina chake ni wastani wa mita 40 chini, na juu mita 80; lina ujazo wa maji wa kilomita 2,760. Linachangiwa na nchi tatu za Tanzania inayomiliki kilomita za mraba 34,488 sawa na asilimia 51; Uganda kilomita 27,484 sawa na asilimia 43 na Kenya kilomita 6,828 sawa na asilimia  sita.

     Mongella aliwahi kusema katika vikao vya Kamati ya Ushauri ya mkoa wa Mwanza kuwa, kuna madai ya wavuvi kutoka nchi jirani kuvua upande wa Tanzania, kwa kutumia zana bora zaidi, zinazowawezesha  ‘kuchota’ mali asili hii na kujipatia faida wakati watu wetu wakiendelea kuwa masikini!

    Inakisiwa kuwa watu zaidi ya milioni 50  wa nchi za Maziwa Makuu wanategemea ziwa hili kwa chakula chao, uchumi wao na hata maisha yao yote.Sasa samaki husafirishwa hadi Zambia,Afrika Kusini na Msumbiji,licha ya minofu ya sangara kusafirishwa Ulaya.

Hivyo kwamba taarifa za kupungua kwa kina cha maji cha ziwa hili; na kupungua kwa samaki kunakoletwa pia na uharibifu wa mazingira, ni kitisho kikubwa kwa uhai katika Ukanda wa Maziwa Makuu.

      Mjadala  kuhusu filamu ya mapanki, Darwin’s Nightmare, kwamba nchi za Kaskazini zimeanza kutumia ukoloni Mamboleo kunyonya rasilimali za nchi za Kusini, hapa katika kuanza kupungua kwa samaki wetu, lazima kutafakari kwa kina!

    Kwamba, kwa sababu ya umasikini, ujanja-ujanja, uroho, ujinga na kukurupukia soko huria katika utandawazi, tunauza mamilioni ya tani za samaki (chakula bora na chanzo cha uhai wetu) ili kupata vijisenti; kisha baadaye watakapokwisha kabisa,tujitoe kwa hiari kuwa makoloni ya kudumu, na watumwa wa nchi za Kaskazini ya Dunia, ambao sasa hivi wanalinda sana na kuhifadhi rasilimali zao!

     Kwamba, kwa kuuza sana rasilimali zetu tena bila kusindikwa ili kuongeza thamani; au kwa kukabidhi kila tulichonacho kikiwa ghafi, kwa hao wageni, tunakubali kunyonywa sana, na hao hao tuliowahi kuwakataa miaka 40 tu iliyopita, na sasa wananyonya kwa mrija, bila jasho! Tusijivunie kuuza sana nje, tujiulize: Tunapata nini na wao wananufaikaje?

     Hawalazimiki kutumia mitaji mikubwa kutunyonya! Mashirika makubwa ya kinyonyaji, kama Benki ya Dunia (WB), Fuko la Fedha la Kimataifa (IMF) na Shirika la Biashara la Kimataifa (WTO) yamekwisha andaa sera,masharti na mikataba ya kuchota kwa mara nyingine rasilimali zetu, zaidi ya ilivyokuwa enzi za ukoloni.

Safari hii, hawa wanawatumia viongozi wetu kuwapigia debe kusomba kila tulicho nacho…mwisho wa siku tutasalia jangwa!

 Maziwa, mito na mabwawa yatakauka! Misitu itafyekwa yote, ardhi yote yenye rutuba itauzwa; mbuga za wanyama zitauzwa, sangara waliokwisha kumeza samaki wengine wote zaidi ya aina 300 nao watakwisha ziwani…hata mapanki hayatakuwepo!

Kutakuwa kilio na kusaga meno!

    Naam, madini yote yatakuwa yameuzwa yakiwa ghafi; ili faida kwetu iwe kiasi kidogo sana. Lengo ni  kutufanya tusijekuinuka na kuwa ‘super powers’ tukaanza kushindana nao kama Japan, China, India , Malaysia na mataifa mengine ambayo miaka 40 tu nyuma yalikuwa makoloni yao! Tutasaliwa na mashimo na sumu mbaya katika maziwa yetu yatakayokuwa yamekauka kiasi cha kutisha.

     Kwa sababu ya uharibifu huu wa kutisha, tutaendelea kuathiriwa na sumu zinazosafiri kwa maji ya mvua toka migodini hadi katika vyanzo vya maji.

Bila shaka wataanza kuzaliwa watoto wasio na pua au mimba zilizotungiwa nje ya nyumba ya uzazi n.k! Tutamlaumu nani?

    Aliyekuwa Mbunge wa Ukerewe, Gertrude Mongella, aliwahi kuonya juu ya hatari hii ya wawekezaji, hususan wa sekta ya samaki, kuachwa kuendelea kusomba samaki ziwani bila kuhakikiwa…samaki ni kama dhahabu, almasi, tanzanite, wanyamapori,misitu, rutuba, mito, maziwa, theluji ya milima:

Hufika muda vyote hivi vikatoweka! Kizazi kijacho tutakiambia nini?

Kwamba tuliwahi kuwa na madini kama tanzanite yasiyopatikana popote ulimwenguni, samaki wengi kuliko ukimwengu wote, wanyama pori, vyura wa Kihansi, misitu, milima mirefu na kila kitu kizuri; lakini vikatoweka baada ya kuuzwa kama wazee wa Mwadui walivyopewa shanga za kuvaa kiunoni badala ya utajiri wa almasi?

     Ni hayo hayo aliyosema mtunzi wa Darwin’s Nightmare, Hubert Sauper, kwamba rasilimali zetu zitakwenda Ulaya kwa ujira kidogo; sisi tutafanywa walinzi, vibarua: Tutalipwa kiduchu…Wahindi, Wazungu, na wageni wengine watalipwa fedha nyingi. Sisi tutakanywa, “Acheni wivu wa kijinga!”

Watachota mali yote..watabeba hata mchanga na kupeleka Japan.

Dada zetu watageuzwa malaya; na hata watoto wetu wa kiume watageuzwa ‘wake’ ili kujinusuru kwa njaa!

    Naam, baadhi ya madini na rutuba vitahamia hata Mashariki ya Mbali. Kwa kuwa baadhi ya wanaharakati wataanza kupinga madhara haya ya utandawizi, ndugu zetu walioajiliwa kazi ya ulinzi wataendelea kuwapiga risasi, ili kutetea maslahi ya bwana zao. Mwisho wa siku, tutabaki kusutana, pengine hata tutaanza kuumizana wakati wengine wakipiga hatua mbele ya maendeleo.

    Ukitazama kiasi kinachopatikana sasa kama mrahaba wa rasilimali zetu, hakilingani na kile wanachobeba hawa wawekezaji-mawakala wa wakoloni mamboleo. Huu ubishi haupo hapa Tanzania.

Hata jimbo la Ogoni, Nigeria, Waijaw hawajakoma kudai mapato zaidi     ya mafuta yao yanayochimbwa na kuuzwa Ulaya, wakati wao hawana shule, zahanati, barabara na hata mafuta yenyewe! Kitu kama hiki kuitwa ni laana ya rasilimali, The Resources Curse!

    Hali ya Niger Delta, haiko tofauti sana na wilaya ya Kishapu; ambako watu hawana maji ya kunywa au kunywesha mifugo, hawana nyumba za kuishi.

Itaendelea

0754 324 074

AFRIKA KIZIMBANI

TUREJEE katika historia, ili kubaini namna Mtu Mweusi anavyodhalilishwa na kuonekana hafai, na si binadamu,bali mnyama!

Wanaoendesha vitendo hivyo,ndiyo hao hao wanaotazamwa leo kama wafadhili wa Afrika,na wenye huruma kwa wananchi wetu.

Zama za harakati za kupinga ukoloni,Mzungu aliitwa, Wasumwa Makaka!Kwamba zimwi lililowameza waafrika!

Husababisha vita hapa Barani,kwa madai ya kuwaondoa madikteta ili kujenga demokrasia na Haki za Binadamu.

Hufadhili harakati tele Barani Afrika,zikiwemo Haki za Binadamu,hata mashoga na wasagaji…hawa si lolote bali wabaguzi wa rangi!

Nitakwambia wewe uliyezaliwa baada ya mwaka 1970.

MWAKA 1936 Mmarekani mweusi ,James Cleveland Owens,(aliyezaliwa Septemba 12,1913 na kufariki dunia Machi 31,1980),aliwashinda Wazungu wabaguzi wa rangi waliokuwa wakiongozwa na Dikteta wa Ujerumani, Adolf Hitler.

 

Ni katika uwanja wa Olympic Stadium ulioko Berlin; ambako ndiko fainali ya Kombe la Dunia zilipohitimishwa Julai 9,mwaka 2006.

Berlin ni kielelezo cha kutokomeza ubaguzi.Berlin,kabla ya Ukuta wake kuangushwa mwaka 2004,ulikuwa kielelezo cha ukoloni wa kutisha,ndipo Bara la Afrika lilipogawanywa mwaka 1884.

 

James Cleveland, ambaye alikuja kuitwa na Mwalimu wake “J.C”. kama kifupi cha jina lake; ndiyo asili ya jina la Jesse Owens, aliyeweka rekodi nne za Dunia kwa dakika 45 tu mbele ya Dikteta wa Ujerumani, Adolf Hitler, aliyetaka kutumia mashindano ya Olimpiki ya Berlin mwaka huo wa 1936, kuuonyesha ulimwengu kwamba mtu mweusi ni dhalili; tena siyo binadamu, bali mnyama!

 

Jesse Owens , aliweka kwanza rekodi ya mita100, akashinda mita 200, akashinda tena kuruka juu, kabla ya kuongoza wenzake wane katika mbio za kupokezana vijiti.

 

 Hitler aligoma kutambua ushindi wa Owens, kwa madai kuwa hakuwa binadamu, sawa na mzungu! Naam, Mzungu alikuwa binadamu, Mwafrika mnyama!

Unajua Mohammed Ali,yule bingwa wa mabingwa wa ndondi duniani alikuwa akiitwa, “Clay” yaani udongo mweusi wa mfinyanzi?

 Unajua,Mohammed Ali, alipokataa kwenda kupigana vita vya Vietnam alipokonywa taji la Ubingwa wa dunia? Ilikuwa miaka ya 1967-69 hivi.

Hitler, kama wabaguzi wenzake wa rangi, aliamini kuwa mtu mweusi alikuwa dhalili mbele ya mweupe; na pia kwamba si binadamu kamili bali myama tu…hivyo Jesse Owen alimshinda Hitler katika mashindano hayo mjini Berlin , miaka 70 iliyopita. Hitler aliyekuwa Mgeni wa heshima wa mashindano ya Olimpiki mwaka 1936, aliondoka uwanjani,hakutaka kuona ‘mnyama’ akishinda mbio dhidi ya binadamu,yaani Mtu Mweupe!

 

Ni uwanja huo huo ulioboreshwa, ambako mshindi wa mechi ya 61 alikuja kupambana na mshindi wa mechi ya 62 katika mechi  ya mwisho(ya 64); ya mashindano ya Kombe la Dunia mwaka 2006 huko Berlin.

 Matarajio ya weusi wengi Duniani yakiwa kuona timu kutoka taifa moja liwe la Ulaya, Amerika ya Kusini, au Asia, kama siyo kutoka Afrika, lakini lenye weusi wengi; likiibuka mshindi wa kombe hilo la fahari; ili kukata ngebe za masalia ya wabaguzi wa rangi wa Ujerumani, kama alivyofanya Jesse Owens,MWAKA 1936.

 

Kama ushindi wa shujaa huyo aliyemshinda Hitler na wazungu wake akiwa ‘kifua wazi’ katika uwanja huo wa Berlin ; matokeo yake yangekuwa ukombozi wa mtu mweusi dhidi ya kudharauliwa, kubaguliwa na kuonywa taka mbele ya wazungu; shime watu weusi waushinde ulimwengu wa wabaguzi mafashisti kama Adolf Hitler!

 

Kutokana na ushindi wa Kaka Jesse Owens,mwaka 1936, mwaka 1976 alikuja kutuzwa medali ya Rais, ya Uhuru  (Presidential Medal of Freedom)na Rais Gerald Ford wa Marekani; akatuzwa tena medali ya Dhahabu ya Congess (Congressional Gold Medal) na rais mwingine wa nchi hiyo, George Herbert Walker Bush (Bush Baba),  mnamo Machi 28, mwaka 1990; yaani miaka 10 baada ya kifo chake.

 

Mwaka 1984 mtaa mmoja wa Berlin ukapewa jina la Jesse Owens kwa heshima yake.

Owens alikufa akiwa na miaka 66 mjini Tucson , Arizona kwa ugonjwa wa Kansa ya mapafu, kufuatia uvutaji wa sigara uliokubuhu, wa pakiti moja kwa siku.

 

Hakika, ushindi wa Kaka Owens wa majira ya joto ya mwaka 1936, majeshi ya Nazi Yalipokuwa yakijiandaa kwa vita ya Pili ya Dunia, katika uwanja uleule lipochezwa fainali ya Kombe la Dunia,  kati ya Italia na Ufaransa,mwaka 2006, ni alama ya mapambano dhidi ya ubaguzi na dharau za weupe dhidi ya mtu mweusi anayeishi katika mabara yote.

 

.Uwanja huo ulijengwa mwaka 1936 kwa ajili ya mashindano hayo ya Olimpiki; bado ni kielelezo cha kuzikwa ubaguzi na udhalilishaji wa weusi kama ule wa enzi ya Hitler.

Shime weusi washinde Kombe la Dunia huko Brazil mwaka 2014.

Katika fainali hiyo, Ufaransa ilifungwa na Italia,ikajakusemwa kwamba Ufaransa ilifungwa kwa sababu iliwaweka Weusi wengi kwenye kikosi-Weusi eti waliitia mkosi Ufaransa!

 

Timu zote za Afrika zijapofungwa na kufungishwa virago katika raundi ya awali huko Brazil,bado Afrika itashangilia timu ya kutoka Bara lolote linalojali utu,na timu itakayojumuisha wachezaji Weusi.

 

Moja wapo ya timu hizo ni Ufaransa, Uswisi na Uingereza, ukiwaacha kaka zetu wa Brazil, Saudi Arabia, Ecuador, Costa Rica, Trinidad na Tobago n.k.

Shime timu zinazojumuisha weusi ziibuke washindi nchini Brazil mwaka 2014, baada ya aibu ya Zenedine Zidabe Zizou,kutukanwa matusi ya kibaguzi huko Berlin mwaka 2006 na ndiko  liliko chimbuko la ubaguzi wa rangi wa tangu enzi za akina Dikteta Hitler, ili ukombozi kamili katika nyanja zote upatikane.

 

Natambua  na nijajivcunia mchango wa weusi katika nyanja nyingine kama masumbwi na siasa: Wapo akina Mohamed Ali , Leon Spinks, Evander Holyfield, Mike Iron Tyson, Caster Semenya, na mabingwa wengine weusi waliowahi kuushinda ulimwengu wa ubaguzi; kama Martin Luther King Jr. Kaka Andrew Jackson Young nk.

 

Bila kujali mipaka ya nchi za ulimwengu,Kombe la Dunia linalochezwa katika viwanja vya Brazil  safari hii, lazima mtu mweusi audhihirishie ulimwengu kwa mara nyingine, kwamba ni binadamu kamili mwenye uwezo na akili timamu; na kamwe si dhalili au hayawani, kama alivyodhani Hitler.

 

Mashindano ya Kombe la Dunia ni zaidi ya kutafuta heshima katika nyanya moja ya michezo, bali hata kisiasa, kiuchumi,kijamii, kiteknolojia n.k.

Kwangu mimi, naam mtu mweusi mmoja anapopiga mkwaju unaoingia kimiani, na kumwacha mlinda mlango, Mzungu, akigaa-gaa sakafuni,ni ushindi pia kisiasa na kiuchumi, maarifa, ufundi, uwezo ,akili nyingi na kila kitu, kuwazidi wazungu!

 

Weupe walidhani ni  bora kuliko weusi.Akina Hitler wa Ujerumani, Dk. Balthazar Johannes Voster wa Afrika Kusini, akina Ian Smith wa Rhodesia ya zamani sasa Zimbabwe na wengineo, walijiona wao watu sisi nyani.

 

Popote alipo mtu mweusi katika mataifa yote  yanayoshiriki kombe hilo la Dunia nchini Brazil,mwaka 2014 ; shime ashangiliwe na kutiwa moyo kwa kazi kubwa ya kuushinda ubaguzi wa rangi..chenga moja ya mweusi dhidi ya mweupe ni ishara ya maarifa na uwezo.

Kwamba, mtu mweusi ni bora kama alivyo mweupe;ni makini, ni ghali; na kwamba siku si nyingi weusi watautawala ulimwengu katika nyanja zoote kama wanavyotawala sasa katika dimba katika timu nyingi na hususan katika ligi za Ulaya,kama Uingereza.

 

Kama nilivyokwisha sema,  Afrika inayatazama mashindano hayo  ya Kombe la Dunia, ama Olimpiki, kama maandamano makubwa ya Dunia ya kupinga ubaguzi wa rangi(Anti-racist Demonstration).

Hata Afrika ilipoondolewa baada ya mechi ya Ufaransa na Togo, Ijumaa, Juni 23,  mwaka 2006 weusi tulio wengi katika mabara yote tuliwashangilia weusi wenzetu waliosalia katika kinyang’anyiro cha timu 16 kutafuta nane zilizoingia robo fainali mwaka 2006 huko Berlin.

 

Ni kwa sababu hii, Fikra Pevu hupata taabu sana kushabikia timu ya weupe; hata kama inatoka Afrika, inapocheza na timu ya taifa lenye weusi wengi hata kama ni Ufaransa, Saudi Arabia, Brazil ,Ecuador, Costa Rica, Trinidad na Tobago na nyingine!

 

Ni kwa sababu hii, Fikra Pevu zinawaona wachezaji kama Paulo Wanchope wa Costa Rica, Sol Campbell wa Uingereza, Eric Abidal, Claud Makelele, Zenedine Zidane, Thierry Henry, Gallas, Louis Saha,na wengineo wa Ufaransa na akina Patrick Mueller wa Uswisi, akina Ronaldo, Gaucho, Cafu na Wabrazili wot, na wengine woote waliochipukia kama mabalozi wa mtu mweusi katika mashindano hayo yanayoufundisha ulimwngu kwamba mtu mweusi siyo mnyama, kama alivyosema Hitler.

 

Kusema hivi si kuendeleza ubaguzi wa rangi, ni kuwaenzi wote waliopinga ubaguzi. Kama akina Nelson Mandela, Martin Luther King Jr,Jesse Owens, Askofu Abel Muzorewa ,Desmond Tutu n.k.

 

 Hata sasa mabalozi wetu wengine kama Samuel Eto’o Fils wangali wakizomewa na wabaguzi wengine wa Hispania na kwingineko Ulaya na Asia; na kufananishwa na manyani!.

 

 uwanja wa Olimpiki wa Berlin ungegeuka shimo la kuuzika ubaguzi wa rangi,lakini Marco Materazzi akaongeza kidonda kwa kumtukana Zidane,mwenye asili ya Tunisia matusi ya kibaguzi,, hata kuzidi alivyofanya Kaka Jesse Owens dhidi ya Dikteta Hitler!

Mtu mweusi atatazamwa kama chimbuko la maarifa, tija, mafanikio katika kila jambo na hata ishara ya kiongozi na mshindaji wa kila kitu; amini usiamini.

Wapo weusi walioathiriwa na kasumba ya kikoloni,hata hawajithamini,wanamwona Mzungu kuwa ndiye mtu.Alifika Afrika,mzungu huhudumiwa haraka kwa kutetemeka,Mweusi anaachwa akafie koridoni.

 

Natambua watu weusi walivyouzwa katika mabara mengine kama rasilimali watu.

Kwa hali hiyo, sitaacha kuwashangilia weusi katika harakati hizi Ujerumani hata kama watapambana na weupe wa Afrika kusini mwa Jangwa la Sahara , acha Kasikazini!

 

Afrika ,siyo tena mahali penye vita, majanga, magonjwa, njaa na machafuko kama Somali, Darfur n.k ni mahali sasa pa maendeleo makubwa tangu katika soka, uchumi, riadha, ngumi, siasa na kila kitu kuzidi ulimwengu wa wazungu…kinachotuponza ni kudhani wazungu ni bora kwa kila kitu!

Nawashangaa waandishi wa habari wanaowakilisha mashirika ya Magharibi,wanadhani vita,ukimwi na wakimbizi na njaa ndiyo habari.        Kumbe ipo miradi tele ya maendeleo haitangazwi,na tumebaki ku copy na ku paste  habari za akina mke wa Prince William kulazwa hospitalini kwa kichefuchefu cha himila changa!

Badala ya Muafrika kuandika kwamba Prince William mkewe ni mvivu tu,sisi huko mama mwenye himila changa, hata awe na kichefuchefu bado huchapa kazi kama kawaida,tunatangaza kulazwa hospitalini kwa vichefuchefu vya mimba za wazungu,Shameful!

itaendelea

 

Shime watu weusi, wembe ni uleule wa Jesse Owens dhidi ya Hitler!!

Mwandishi anapatikana katika  www.congesmrambatoday.blogspot.com

0713 324 074

 

 

 

Mbona Uingereza walimuua Princess Diana?

TUHUMA za Ufalme wa Uingereza kumuua Princess Diana zilipowafika kooni,wakaunda Tume ya Uchunguzi wa kifo hicho.
 Mkuu wa zamani wa Scotland Yard, Lord Stevens alitoa kwa waandishi wa habari ripoti ya uchunguzi wake juu ya kifo cha Princess Diana.

   Katika ripoti hiyo ya kurasa 832, Lord Stevens amebaini kuwa Princess Diana alikufa kwa ajali ya kawaida ya kibinadamu; au ‘Ajali ya Mungu’(Tragic Accident); na si kwamba aliualiwa kijanja na serikali ya Uingereza, ama ukoo wa kifalme.

   Ripoti hiyo inapingwa vikali na na Bilionea mwenye asili ya Misri, Mohamed al Fayed, ambaye ni baba wa Dodi al Fayed mpenzi wa wa Diana ambaye pia alikufa katika ajali hiyo ya gari Agosti 31, mwaka 1997.

  Serikali ya Uingereza inasisitiza, Diana alikufa katika ajali ya gari, kwa kuwa dereva alikuwa amelewa, na aliendesha kasi zaidi ili kuwatoroka mapaparazzi waliokuwa wakiwafuatilia. Pia hawakuwa wamefunga mikanda.

    “Siamini ushahidi wowote uliopo sasa unaweza kuthibitisha kuwa Dana aliuawa”, anasema Lord John Steven’s, Kamishna wa zamani wa polisi aliyeongoza Operesheni, Paget Probe. Wapelelezi 15 wa Scotland Yard wametumia Dola milioni saba kuhoji mashahidi 300.

  Watoto wa Diana, Prince Willam na Prince Harry, Kakayem Lord Charles Spencer na dada zake wawili wanaonekana kukubaliana na Lord Stevens kwamba Diana alikufa kwa ajali ya kawaida ya kibinadamu.

  Ripoti hiyo ya Lord Stevens wa Kirkwhelpington’s Investigation, juu ya Diana ilitolwa kwanza Desemba 13 mwaka huu kwa watoto hao wa Diana; yaani siku moja kabla ya kutangazwa kwa umma.

  Kwamba, Princess Diana aliyekuwa na umri wa miaka 36 na Dodi Fayed(42) walikufa hiyo Agosti 31 mwaka 1997 baada ya gari lao kugonga nguzo katika barabara mjini Paris .

            Wapelelezi wa Ufaransa walimlaumu dereva, Henri Paul kuwa aliweka ‘kinywaji’ kuzidi kawaida; akawa nakwenda mwendo mkali. Msingi wa upelelezi wa Lord Stevens ulikuwa kufuatilia madai kwamba aliuliwa.

  Ripoti hiyo ilitolewa  katika mkutano na waandishi wa habari, katikati ya jiji la London .
Hata hivyo, vipimo vya damu kavu vya vinasaba(DNA) vilionyesha kuwa Diana alikuwa kalewa. Ripoti hiyo inakubaliana na upelelezi wa Wafaransa kwamba Princess Diana alikufa kwa ajali iliyosababishwa na mwendo mkali, baada ya dereva kushindwa kumiliki gari, Mercedes Benz. Pia ripoti hiyo inayaweka pembeni madai kuwa uhusiano wa Dodi na Diana ulikwisha zaa matunda ya himila changa.

   Ilidaiwa kuwa himila  changa ilichonchea hasira ama wivu mkali miongoni mwa Waingereza, hadi wakaamua kumwondolea mbali, kuondoa aibu.
Wanadai waliuawa na vikosi vya majasusi wa MI5. Haya ni madai yaliyowahi kutolewa pia na baba wa Dodi, Mohamed al Fayed. Kwamba Diana na Dodi waliuliwa pale katika nja ya ardhini, Pont de I’Alma mjini Paris .

 Prince William na Harry, wanaandaa misa ya kumbukumbu ya miaka 10 ya kifo hicho kwenye uwanja mpya wa Wembley, Julai Mosi mwakani, ili kusherehekea miaka 46 ya  “Birthday’ ya Diana, itakayohudhuriwa pia na maonyesho ya wanamuziki nyota kama Sir Eltonh John, aliyeimba Candle in The Wind katika mazishi yake. John amesema hatauimba wimbo huo mpaka aombwe.

  Kundi lingine litakaloshiriki ni Duran Duran, Jose Stone na rapa mashuhuri Pharrel William, na kundi la Halaiki la Taifa.

  Gazeti la Mail on Sunday  lilisema Lord Stevens alipokuwa Kamishna wa Metropolitan, alipanga kuchunguza ujauzito wa Daiana kwa kuchukua sampuli za damu kavu katika Mercedes Benz walilokuwa wakisafiria siku hiyo ya ajali, jijini Paris .

   Fayed anasisitiza, Dodi na Diana wangeoana; na kwamba alikuwa mjamzito. Anasema waliuawa na vikosi vya usalama vya Uingereza kwa sababu familia ya Kifalme isingevumilia kumwona Diana kapakata kitoto Kiislamu!

  Wanaomjua Diana wanajaribu kukanusha madai kuwa Diana alikuwa na mimba, na wakamhakikishia Lord Stevens kuwa mimba kwa Dodi ilikuwa ndoto. Unajua, ukoo wa Kifalme haukutaka aibu kama Diana angeongoka na kuwa Muislamu! Maana yake ni kwamba Mfalme wa baadaye wa Uingereza(Mtoto wa Diana) ambaye pia angekuwa Mkuu wa Kanisa la Uingereza, angepata baba wa kambo(Dodi) Mwarabu; na kwamba Mfalme wa Uingereza angekuwa na ndugu Mwarabu!

   Hii ndiyo sababu ya kuhisi kifo hicho kilipangwa kuondoa aibu. Kwamba ajali ya Mercedes Benz S280 sedan, iliyogonga nguzo ya 13 ilikuwa geresha, na kwamba dereva, Henry Paul alionwa akizungumza na watu Fulani saa chache kabla ya ajali.

  Marehemu Diana na Prince Charles walikuwa wametengana tangu Desemba 9, mwaka 1992 na wakapeana taraka rasmi Agosti 28 mwaka 1996; ingawa Diana alisalia wa ukoo wa Kifalme.

    Prince Charles alikuwa tayari katika uhusiano wa mapenzi na Camilla Parker Bowles ambaye walikuja kuoana majuzi. Kwa vyovyote kifo cha Princess Diana ni ajali iliyotokana na Mungu. Lakini wengine wanahoji, ni Mungu yupi mzembe aliyesababisha kifo kinacholeta utata hata sasa takriban miaka 10 baada ya kutokea?

 mwandishi hupatikana kwa simu 0754 324 074

 

HAKI ZA BINADAMU UINGEREZA NA MAREKANI?

Jumanne usiku, Desemba 4,mwaka huu, wakati nilipokuwa nikitazama kipindi cha televisheni ya BBC kiitwacho DIRA YA DUNIA,nikaona Salim Kikeke akisoma 'twitter' za jamaa wa TANZANIA waliohoji kwamba habari za mke wa Prince William sasa kuwa na ujauzito wa majuma 12, ziliwahusu nini Waafrika?

Habari za mke wa mrithi wa ufalme wa Uingereza kupata himila changa na kulazwa hozpitalini kwa kichefuchefu, akaanza  kutangaziwa Mwafrika,utadhani zingempa kushiba!

Naam,hii ndiyo AJENDA YA SIRI ya vyombo vyao vya habari,ili kutulisha kila upuuzi wa akina malkia na wajukuu zake,utadhani Afrika haina cha kujifunza kutoka hapa barani. 

UINGEREZA, ambayo ilifanikiwa kuzikusanya nchi nyingi zilizokuwa chini ya Utawala wa Rumi, na kuzifanya  makaoloni yake, imekuwa ikitawaliwa na wafalme tangu mwaka 829 A.D.

   Hawa wafalme, na dada zao na mabinti zao(malkia) wamewatawala Waingereza tangu karne ya tisa AD. Hakuna anayeandamana, sisi tunahamasishwa maandamano na kuaana utadhani wendawazimu!

 Hadi leo, na hakuna raia aliyekwisha andamana kutaka utawala wa kifalme na kisultani uliodumu zaidi mya miaka 1,182 ung’olewe,ili kupisha demokrasia.

 Nchi hii, inayoongoza kuata kumpindua Kiongozi wa Libya, Kanali Muammar al-Gaddafi, kwamba amedumu uongozini tangu mwaka 1949(umri wa miaka 42) imetawaliwa na wafalme lukuki,tangu Egbert na zama za Saxons na Danes.

  Mwaka 1399,Uingereza ilikuwa chini ya House of Lancaster, wakitawaliwa na Wafalme  na Duke of Lancaster,hadi miaka ya 1900  wakawa chini ya Mfalme GeorgeV,Edward VIII, George VI baadaye akatawazwa Malkia Elizabeth II, ambaye ni BINTI mkubwa wa GeorgeVI.

 Huyu Malkia Elizabeth II alitawazwa kuwa Malkia wa Uingereza Feburuari 6,mwaka 1952 hadi leo anatawala Uingereza, na hakuna wa kuhoji mamlaka yake yaliyotamalaki hata hapa kwetu Tanzania.

   Serikali ya Uingereza inayoongozwa na Mawaziri wakuu,ilianzishwa ,mwaka 1721( karne tisa baada ya Mfalme wa kwanza, Egbert; wakati huo akaanza kutawala Waziri Mkuu,  Sir Robert Walpole.

 Sir, ni cheo anachopewa mtu anayeheshimiwa sana na Familia ya kifalme.Cheo hiki, “Knighthood” ametunukiwa hata Salman Rushdie. Sir Salman Rushdie alipigwa ‘Fatwa’ na utawala wa Ayatollah Khomeini,huko Iran,hivyo hutafutwa sana auawe kwa kuikashifu dini ya Kiislam. Niachane na hayo; hayanihusu.

  Kutoka Sir Robert Walpole, hadi sasa David Cameron, Uingereza yapata mawaziri wakuu takriban 80 vya vyama anuwai, ambavyo aslani haviwezi kuhoji bungeni mamlaka ya Malkia. Malkia Elizabeth II ANA UMRI WA MIAKA 84, alizaliwa Aprili 21 mwaka 1926.

 Akifa leo, ingawa ametawala Uingereza kwa jumla ya miaka 59, atatawala mwanaye,Prince Charles, ama wajukuu zake, Prince William na Harry, hao ambao wake zao wakiwa na himila changa,tunatangaziwa dunia nzima!

Wakiwa hedhi,wakilazwa hospitalini eti kwa kichefuchefu,sisi tunatangaziwa upuuzi ule, wakati wake zetu nao wanapata kichefuchefu na kuendelea na hamsini zao tu,na siyo issue!

Novemba 2008, Malkia na mumewe,Prince Phillip, walikuja Kampala,Uganda kuburuza mataifa lukuki hapa duniani, katika mkutano wa makoloni yao ya zamani, wao wanaita Jumuiya ya Madola, The Commonwealth.

 Hata Ufaransa imetawaliwa na akina Charlegne,au Charles Mkuu(742-614 AD) hadi wakati wa Jamhuri ya Tano zama za Rais Charles Andre J.M. de Gaulle(soma Chalz de Go)aliyeishi 1890-1070.                           Ni wakati wa akina Georges Pompidou,Valery Giscard d’ Estaing, Francois Mitterand,Jacqius Chirac hadi huyu “Mzee wa Vimwana” Nicolas Sarkozy.

 Nataka kusema kwamba, hizi dola kuu zilitoka mbali,kwenye tawala za kifalme,hadi leo kinachoitwa demokrasia halisi hakuna.

 Isipokuwa, wao wanataka wafalme wa Afrika(Gaddafi anaitwa , ‘King of Afrcan Kings’) watokomezwe.

Ili, akina Malkia na wajukuu zake Harry na Prince William wabaki wakitutawala huku,kwenye Commonwealth.

  Malkia huyu, bado anaburuza mataifa mengi tu kama Canada, Austria, New Zealand,Jamaica,Barbados, Bahamas kwa kuyataja machache.

 Tena, Marekani ndiko walikoiba kura katika uchaguzi wa mwaka 2000 pale Al Gore alikaribia kushinda, wakamwibia kura. Mashabiki wake na chama chake cha Democrat walikuwa wataarabu tu,ingekuwa kwetu huku,ingekuwa kama Cote d’ Ivoire.

Hata mwaka huu Democratic walishaanza kuiba kura,wakastuka.Ukimpigia Obama,kura zilikwenda kwa Romney,hukusikia?

 Dola iliyodumu kwa jumla ya miaka 235 wakahesabu kura kwa mashine kisha kwa mikono, wakamnyang’anya kura AlGore, wakampa Bush. Kesi ikaenda mahakamani, mahakama ikachakachua matokeo na kumpa Bush mhula wa kwanza wa utawala.

  Tunajua kura za Palm Beach na Miami-Dude zilileta shida, mwezi mzima ukapita bila kujulikana mshindi. Algore alipata kura za watu wote51,000,894wakati Bush alipata 50,495,211 akaongoza Florida na kujipatia kura za ushindi za electoral 271.

  Nataka kuwagutua wanaoshabikia Uingereza,Marekani,UfaransamUjerumani n.k kwamba kuna demokrasia pevu,kuna uhuru na haki za binadamu(zipi?) wanazofanya hapa duniani?

Mwaka 1936, Uwanja wa Olimpiki wa Berlin ulijengwa na Dikteta Adolf Hitler. Michezo ya Olimpiki ilifanywa hapo Berlun, na Hitler akawa mgeni wa heshima.

 Julai 9 mwaka 1936 Mwamerika Mweusi, Jesse Owens  akawatioa kamasi Wazungu wote kwenye mbio na riadha. Akajipatia nishani nne za dhahabu kwa muda wa dakika 45 tu. Hitler akakasirika kuona Mweusi akishinda kila mara, wakati Wazungu hawakumwona. Yeye alijua mtu mweusi ni mnyama, kwahiyo akasusia mashindano ya Olimpiki kwa sababu mnyama, Owen, salishinda!

Miaka 70 baadaye, mwaka 2006,uwanja huohuo wa Olimpiki wa Berlin,ndiko fainali za Kombe la Dunia zilikofanyika, Michael Materazzi wa Italia akamtukana Zenedine Zidane Zizou,matusi ya kibaguzi.

Chukua tabia hii ya akina Hitler na Materazzi halafu uchanganye na ubaguzi wa rangi huko Afrika ya Kusini zama za Makaburu.

  Angalia, ubaguzi wa rangi dhidi ya akina Samuel  Eto’o Fills wanaoitwa nyani, ama kawaulize akina Eric Abidal Claud Makelele,Zidane, Thiery Henry, William Gallas,Louis Saha,Patrick Vieira na wenzao waliposhindwa kuipa Ufaransa ubingwa, ilisemwa kwamba ni rangi yao Nyeusi ya mkosi!

 Hapa, msomaji, unaona haki gani za binadamu huko Ulaya?Agosti 2009 huko  Berlin,Ujerumani, Caster Semenya(19) wa Afrika Kusini akawatoa kamasi Wazungu katika mbio za mita 800, wakamnyima ushindi, kwa madai kuwa yeye ni ‘Dume-Jike,’ Wazungu bwana!

 Kwa Muingereza, eti neno uhuru ni mzaha linapofika kwa Mwafrika. Mwaka 1787 mji Mkuu wa Sierra Leone, Freetown(MJI ULIO HURU)ulijengwa na Muingereza huyu kama kituo huru cha watumwa! Watumwa walijengewa mji huru wa Freetown?! Ajabu.

KIFO CHA DIANA AIBU TUPU

Kifo cha Princess Diana mwaka 1997,na kuundwa kwa tume ya uchunguzi wa kifo chake, The Paget Probe, ni kielelezo kwamba Uingereza hakuna uhuru,hakuna demokrasia na haki za binadamu. Kuna ubaguzi wa rangi na ukaburu uliotamalaki.

Princess Diana(36) na Dodi al Fayed(42) walikufa Agosti 31 mwaka 1997 katika Ponto de I’Alma Park,mjini Paris, Ufaransa, mahali penye njia ya chini kwa chini.

 Ilikuficha tetesi kwamba ‘wivu’ wa Malkia na familia yake dhidi ya Diana aliyekuwa amevuka mipaka na kutaka kuolewa na Mwarabu, Dodi, na ikasemekana alikuwa na himila changa ya miezi miwili, ndicho kitu kilichomsababishia mauti ya tashtiti.

  Vyombo vya usalama mjini Paris, baada ya ajali yakupangwa, vikamsingizia dereva,Henri Paul kwamba aliendesha gari kwa kasi sana, ili kuwatoroka ma-Paparazzi.

Kwamba, Dodi na Diana waliutia mtindi kwa sana, hawakufunga mikanda wakati Mercedes Benz S-280 SEDAN, ilipogonga nguzo ya 13 hapo barabara ya chini na kusababisha vifo vya Diana na Dodi!

   Maneno yalipokuwa mengi, ikaundwa tume ya kuchunguza vifo hivi, Paget Probe iliyokuwa na wapelelezi 15 kutoka Scotland Yard, wakatumia Dola za Marekani 7,000,000 kuwahoji mashuhuda 300.

 Hata hivyo,Mkuu wa Paget Probe, zamani alikuwa Mkuu wa Scotland Yard, Lord John Stevens alishia kukaa ‘kama kamati’ na watoto wa Diana, Harry na William na kakaye,Lord Charles Spencer na dadaze wawili, wakasema haikuwa ajali ya kupangwa.ilikuwa ajali ya kibinadamu-tragic accident!

 Ripoti ya uchunguzi yenye jumla ya kurasa 832 haikuwa na jipya. Baba wa Dodi, Bilionea wa Kimisri, Mohammed al-Fayed akaipinga vikali tume hiyo, na kusema hadharani kwamba majasusi wa Uingereza waliwaua Dodi na Diana kwa sababu ya wivu,kuona Daiana angeolewa na Dodi.

  Diana na Prince Charles walishatengana  tangu Desenba 9 mwaka 1992 wakapeana talaka rasmi Agosti 28 mwaka 1996.

Prince Charles alishaoa kimwana mwingine, Camilla Parker Bowless, lakini Diana alifungwa kuolewa na mtu kwa sababu alikuwa wa familia ya ufalme!

 Mtu wa ‘Royal Family’ kama yeye hakuruhusiwa kuolewa na mtu,tena Muislam, sasa sijui kama kweli alikuwa na mimba, sasa kama Diana  angezaa Mwarabu, anaye angekuwa anakuja Makao Makuu ya Malkia-Buckingham Palace, kuwasalimia nduguze, Harry na Prince William?

Waingereza, walimuua Diana na Dodi,ili kutupilia mbali udhia na aibu ya warithi wa Ufalme kuwa na ndugu Mwarabu halafu Muislam.

 Si unajua dini ya Anglikana ndiyo dini yao na Malkia ndiye mkuu wa dini hii ya Uingereza? Sasa, hawakutaka Mwarabu azae na mke wa mwana wa Malkia, sasa tunajua Diana aliuawa kwa sababu ‘aliasi’ na kutaka kuolewa na Dodi na alikwisha kuwa na mimba changa ya miezi miwili,ikaleta taabu.

 Unaweza kumuuliza Mohammed al Fayed, Yule tajiri wa Kimisri, babaye Dodi,kama nasema uongo kwamba Diana aliuawa na majasusi wa Uingereza huko Paris.

 Ndiyo maana tunasema Uingereza hakuna demokrasia,uhuru wala Haki za Binadamu. Labda uhuru uko kwa mashoga kuvua nguo na kuandamana hadi bungeni wakiwa uchi, kuna uhuru wa wanaume kuoa na kuolewa kama Sir Elton John na David Furnish.

 Kuna uhuru wa maaskofu na wachungaji wa dini ya Malkia kuoana wanaume na wanawake, na wanaweza kwenda baa na vimwana na kuuchapa mtindi, halafu waumini wanapoandamana kupinga wazinzi kuwa wachungaji, maaskofu wanawatetea!

 Huu ndiyo uhuru ulioko Uingereza,Marekani na Ufaransa..uhuru wa kumomonyoa maadili na sheria za Bwana Mungu. Uhuru wa kutwambia hata habari za mama mjamzito na hata anapokuwa hedhi!

itaendelea

            0786/0754-324 074