INSPEKTA
JENERALI WA POLISI(IJP) Said A.Mwema,
akizungumza na waandishi wa habari jijini Mwanza,Oktoba 25 mwa huu, akasema
wajibu wa raia na polisi kwa taifa letu.
Aliwakariri wanafalsafa
juu ya wajibu wa kila mtu kuweka mbele
maslahi ya Taifa.Alizungumza wajibu wa Jeshi la polisi kushirikiana na
wananchi katika kulinda Amani ya nchi yetu.
Tuijadili
kidogo kauli ya Mwema kuhusu Rais wa 35 wa Marekani,John Fitzgerald maarufu sana
kama “Mr. J.F” Kennedy(Democratic)
ambaye aliishi kati ya Mei 29 mwaka 1917-Novemba 22,mwaka 1963.Alifariki kwa
kupigwa risasi katika msafara wake huko Dallas,hiyo Novemba 22 mwaka 1963.
Uzalendo wa
wajibu wa kwanza wa kila raia(hata polisi,JWTZ,Uhamiaji,Usalama wa Taifa
n.k).Hata hivyo, wananchi tunamshauri IJP Mwema,atazame ikiwa polisi
wake,wakiwemo wenye vitambi, wanao uzalendo kwa taifa,ama kama wanaweka mbele
maslahi ya Taifa,au maslahi binafsi ambayo ndiyo uzalendo wa matumbo yao
wenyewe.
Ni wazi, Tanzania
kuna kitisho cha amani ,kwa sababu maadili yamepotea,na uzalendo wan chi na
maslahi ya Taifa kama alivyosema Mwema,akimkariri JF Kennedy na Abrahm
Lincoln,leo vinatupiliwa mbali.
Turejee
Mwanza,katika matukio ya uhalifu yaliyowahi kufanyika Mwanza,polisi wa IGP
Mwema wakiwepo,wakashindwa kuwatia mbaroni wahusika.
Aliyekuwa
Mbunge wa Mwanza Mjini(baadaye majimbo haya yaliitwa Ilemela na
Nyamagana),Marehemu Ali Shomari, alimwagiwa tindikali na mtu ambaye hatimaye “aliyeyuka”
mikononi mwa dola.
Pia,mfanyakazi
wa Mamlaka ya Mapato(TRA)alimwagiwa tindikali(corrosive acid) iliyomuunguza
vibaya,akalazwa hospitalini.Mwanza ni mahali ukicheza unamwagiwa
tindikali.Polisi wa Mwema,wapo wanabarizi upepo!
Hata siku za
karibuni,baada ya mauaji ya Kamanda Barlow,yupo mwanasheria aliyepigwa risasi
pajani na kulazwa hoi hospitalini Bugando.
Matendo haya
na mengine mengi,huripotiwa polisi. Tatizo,umma huwa haujui na haujulishwi
hatma ya mambo haya, na mustakabali wa kesi hizo huwa haujulikani.
Tunazungumza
juu ya uzalendo na wajibu wa raia kuona FAHARI kwa nchi yetu Tanzania. Mke wa
Rais Obama(naamini anashinda mhula wa pili)Michelle Obama, aliwahi kusema hivi:
“For the first time in my adult life
time, I am really proud of my country” akimaanisha kuionea fahari nchi yake
katika maisha yake ya sasa ya utu uzima.
Naam, kama
kila raia wa Tanzania atatekeleza wajibu wake,huu uzembe,kukosa uzalendo na
mauaji ya kinyama sampuli hii,vitaondoka.
Tuitembee
Mwanza kidogo. Mei 20 mwaka 2010, aliyekuwa Meya wa Jiji la Mwanza, ambalo sasa
linakuwa Manispaambili, Leonard Bihondo(64) alitiwa mbaroni na polisi kwa
tuhuma za kuhusika katika mauaji ya aliyekuwa Katibu Kata wa CCM,Isamilo,Bahati
Stephano.
Bihondo,
alikamatwa uwanja wa ndege wa Mwanza, akitokea Dar es salaam,ambako alihudhuria
mkutano wa ALAT,alituhumiwa kushirikiana na Jumanne Oscar(30),Abdul Ausi na
Baltazar Shushi, ambao wote pia walitiwa mbaroni,na kesi yao ingali inasubiri
kusikilizwa.
Oktoba
15,kwenye uwanja wa CCM Kirumba, Lucas Omahe Garani, alijipenyeza katika ‘msitu’
wa walinzi wakiwemo polisi, Green guard na Usalama wa taifa, akavamia jukwaa
ambako Rais Jakaya Kikwete
alikuwa,wakati huo akiwa mgombea wa CCM.
Ilikuwa Jumamosi,
Alasiri,safu hii ilikuwepo uwanjuani hapo ikifuatilia kwa makini. Huyu Omahe
Garani, alinyatia jukwaa akamfumania Kikwete na kuanza kumnyuka mieleka ili
ambwage chini!
Kilichomfanya
Kikwete asianguke chini,ni medani ya kijeshi,Kikwete alimudu kujitetea,baadaye
Green Guard na polisi wakamtia mbaroni Garani na mwenzake Mzaki
JAMAL,wakasokomezwa ndani ya karandinga la polisi,baada ya kukong’otwa sana na
virungu vya Green Guard na polisi.
Walipelekwa
gerezani Butimba. Matimbiko yaliyofanywa ili kumtawaza Kikwete kuwa ‘Chifu’ wa
Wasukuma, eti yaliwaalika Omahe Garani(Mkurya wa Mara) na Mzaki Jamal(Muha wa
Kigoma!)sijui walitaka kufanya nini! Wee Mwanza uione hivyo tu.
Kamanda wa
polisi mkoani Mwanza,zama hizo,Zelothe Stephen, alisema polisi hawakupaswa kulaumiwa
kwa tukio hilo,kwa kuwa hawakuhusishwa katika tukio hilo la kumtawaza Kikwete
kuwa Chifu wa Wasukuma.
Chama cha
Mapinduzi, kililaumiwa kwa kukumbatia sana imani za kishirikiana, hadi mgombea
wake wa Urais akafanyiwa huduma ya tambiko bila vikosi vya usalama kuhusishwa.
Lucas Omahe
GARANI na mwenzake Mzaki Jamal walifikishwa mahakama ya Hakimu Mkazi, Ilvin
Mgetta,kwa makosa ya kula njama na kumfanyia fujo Kikwete,jukwaani.
Waendesha
mashitaka, Wilson Frank na Muna Paschal waliiambia mahakama kuwa washitakiwa
walitenda kosa hilo katika mkutano wa kampeni,Oktoba 15 mwaka 2005.
Kwa kifupi,
washitakiwa walipatikana na hatia wakafungwa jumla ya miaka 10 kufuatia tukio
hilo la kumfanyia fujo Kikwete ambaye alishinda uchaguzi baadaye na kuwa Rais
wa Jamhuri ya Muungano.
Nakutembeza katika mitaa ya Mwanza,uone
maajabu.Twende pamoja msomaji!
Desemba 4,
mwaka 2009 saa 10 jioni.Edwin Miyaye(4)
anatekwa nyara na Sospeter Nyanda(17) ambaye alikuwa mwanafunzi wa kidato cha
tatu katika sekondari ya Mnarani.Mwingine aliyeshirikiana na Sospeter kumteka
mtoto huyu ni Daudi Madaraka(16) mwanafunzi wa darasa la sita katika shule ya
msingi,Bwiru. Mwanza kuna vituko!
Michael
Joseph naye mwanafunzi wa shule ya msingi Bwiru naye alimteka mtoto
huyo,walishirikiana na Getrude Rutabura(39).
Walimpomteka
Edwin wakampigia simu babaye,Miyaye.Wakamwambia awalipe shilingi Milioni
tano;la sivyo wangemuaa Edwin!Sospeter Nyanda, alijua namba ya simu ya Baba
Edwin, alikuwa na nasaba naye.
Miyaye,
alichelewa kuwapa wateka nyara hao sh. 5,000,000/= Alikwenda polisi ili
wamsaidie kuokoa maisha ya mtoto, baada ya saa kupita, watekaji nyara wale
walimfunga Edwin mawe makubwa shingoni na kiunoni,wakamtosa ndani ya vilindi
vya maji ya Ziwa Victoria!!
Polisi
waliwatia mbaroni Sospeter na wenzake kwa tuhuma za mauaji. Baada ya mahojiano
na polisi(na virungu vya haja) walikubali kwenda kuonesha mahali walipomtosa
Edwin.Micheal Joseph aliyekuwa mwanafunzi wa shule ya msingi Bwiru ati
alitoroka,hakukamatwa.
Edwin(4)
alitoswa vilindini kwa sababu babaye,Miyaye alikosa sh.5,000,000 za kikombozi.Desemba
5,mwaka 20059 ndiyo siku maiti ya Edwin ilipoopolewa majini,Ziwa Victoria,ili
kufanyiwa Postmortem na Daktari.Alikuwa kwa kuwa babaye alishindwa kulipa
kikombozi-ransom!
Ilikuwa
huzuni na majonzi. Edwin aliopolewa mbele za kamera za televisheni ya Star ya
Jijini Mwanza.Maiti ya Edwin ilikuwa uchi wa mnyama! Naam,hii ndiyo Mwanza!
Desemba
6,mwaka huohuo wa 2009 Yohana Musa(25) muuza ndizi wa soko la Kirumba akiwa na
mwenzake,Abuu walimteka nyara msichana,Judith John(29),Mhaya wa
Bukoba,walimchinja mithili ya mbuzi.
Yohana na
Judith walikuwa katika uhusiano wa kimahaba, sasa Judith akataka kumpiga chenga
Yohana,ili achukuliwe na ‘mabuzi’ mengine yenye fedha. Unajua Krismasi ilikuwa
ikijongea, na watu hutaka sana pesa wakati huo.
Sasa, Yohana
akaazimu kulipa kisasi, yeye na wenzake wakazungumza na Abdallah Lucheme(70)
aliyekuwa mganga wa kienyeji.Wakakubaliana kumchinja Judith na kumnyofoa viungo
nyeti,kama shavu la kulia na nyeti zake ili wakafanyie matambiko ya pesa-ndagu!
Judith,
alichinjwa majira ya saa sita usiku huko Songambele,Kirumba, walimchinja
chumbani, wakatenganisha kichwa na kiwiliwili,chumbani kwa Yohana.
Kile
kiwiliwili cha Judith kikafutikwa ndani ta gunia,wakakitelekeza kwenye pagala
jirani na Mtaa wa Kiyungi.
Polisi
walimtia mbaroni Yohana Musa(25) akiwa chumbani kwake akiuchapa
usingizi.Walimtia pingu na baada ya dakika 40 hivi, akawaambia makachero wa
polisi ni wapi kilipokuwa kichwa cha Judith.
Mganga wa kienyeji,Abdallah
Lucheme(70) alitajwa na Yohana,akatiwa mbaroni na kufungwa pingu,akawapeleka
korongoni ambamo kichwa cha Judith kilifichwa ndani ya mfuko mweusi wa Rambo,
kichwa kilikuwa kimenyofolewa shavu la kulia. Jamani!
Walimchinja
Judith baada ya kumfutika matambara kinywani,ili asiweze kupiga kelele humo
chumbani kwa Yohana. Desemba 9,mwaka huo wa 2009 mwaka wa mauaji ya
kishenzi-mwili wa Judith ukazikwa makaburini,Kitangiri.
Hii ndiyo
Mwanza ambayo miaka mitatu baadaye,imechukua maisha ya Liberatus Lymo Barlow.
Hadi sasa
watuhumiwa watano wa mauaji ya Kamanda Barlow wamepandishwa kizimbani,
waliopandishwa kizimbani ni Muganyizi Michael Peter(36) Mhaya ambaye ni
dereva,mkazi wa Nyakabungo,Mwanza,ambaye ndiye hasa anasadikiwa kumpiga risasi
Barlow kwa bunduki, Shotgun-Greener.
Chacha
Wekena Mwita(50)Mkurya ambaye ni mfanyabiashara wa Gongo la Mboto,Dar-Magige
Mwita a.k.a ‘Tatoo’ yaani mzee ana umri wa miaka 48 naye ni Mkurya,mkulima eti
wa mjini Bugarika,jijini Mwanza.
Mwingine aliyepandishwa kizimbani ni Bugazi Edward Buseta(22)Mhaya
mfanyabiashara wa Tandika, Dar es salaam na Boke mwana wa Marwa Mwita(42)
Mkurya na mfanyabiashara wa Mombasa-Ukonga,Dar.
Mbele ya
Hakimu Mkazi,Angelo Lumisha, wakili wa serikali Castus Ndagambo, amesema washitakiwa
wanakabiliwa na kesi ya mauaji kinyume na sheria ya nchi kipengele cha 196 na
197 katika Penal Code Na 16.
Ndagambo,
ameiambia mahakama kuwa washitakiwa hao watano kwa pamoja walimuua Kamanda
Liberatus Lymo Barlow, Oktoba 13,mwaka huu
majira ya usiku huko Kitangiri,katika eneo la MINAZI MITATU,Wilaya ya
Ilemela.
Washitakiwa
wote watano kwa pamoja hawakutakiwa kusema lolote kufuatia mahakama hiyo
kutokuwa na mamlaka ya kusikiliza kesi hiyo ya mauaji.
Gwaride la
utambulisho, IDENTIFICATION Parade
lilifanywa, Dorothy,Yule mwanamama aliyekuwa na Barlow usiku wa mauti,
akawatambua wote watano.
Walirejeshwa
Butimba nyuma ya nondo hadi kesi yao hiyo JINAO NAMBA 30 ya mwaka 2012
itakapotajwa tena Novemba 15 mwaka huu.
Tukutane katika sehemu ya mwisho wa mkasa
huu wa kusisimua
0713 324 o74
www
No comments:
Post a Comment