JUNI Pili, mwaka
huu 2013,Malkia wa Uingereza, Elizabeth Alexandra Mary, alitimiza miaka 60
kamili tangu atawazwe rasmi kuwa Malkia Juni Pili,mwaka 1953.
Malkia huyu alikuwa
Kenya Feburuali 6 mwaka 1952 wakati baba yake,King George VI alipoaga dunia,
yeye malkia akarithi kiti cha ufalme wa Uingereza na kuanza kuyaburuza makoloni
yao chini ya mwavuli mpya wa ukoloni, Commonwealth.
Huyu,pia ni Mkuu wa
Kanisa la Anglican tulilotazama katika matoleo yaliyopita kwamba nalo liliwahi
kuwa na watumwa(Waafrika!)
Huyu
mama,Elizabeth,leo anatawala kwa miaka 60;Malkia Victoria(jina lake limepewa
Ziwa Nyanza kwa heshima yake), alitawala Uingereza kwa jumla ya miaka 80.
Nataka msomaji
ujiulize kwamba, Magharibi na washirika wao wanasema Mugabe, Gaddafi,Mengistu
Haile Mariam na wenzao wame ‘Overstay”;sasa huyu mama kukaa mamlakani huko
Uingereza anawakilisha nini katika kinachoitwa,DEMOKRASIA?
Tumesoma katika
toleo lililopita,mshirika mkubwa wa Uingereza,Marekani na washirika akifariki
dunia,wao wakamlilia sana marehemu Meles Zenawi,mwaka 2012.
Wakati Zenawi
anachinja demokrasia Uhabeshi, alikuwa ametoa ruhusa kwa madege yasiyo na
rubani-drones-ya Marekani kuipeleleza nchi yoyote hapa Afrika na kufanya kituo
uwanja wowote wa Uhabeshi; kasha hata kuipiga mabomu na kuisambaratisha.
Licha ya
kunyamazisha Upinzani katika nchi,na kuitia gundi na kufuli midomo ya waandishi
wa habari,Zenawi alikuwa ‘Darling’ kipenzi cha Marekani na Uingereza na
washirika wa Ulaya Magharibi,hadi wasingetishia kumkamata na kumpeleka The
HAGUE,Uholanzi kwa mauaji ya wapinzani.
Wala,Kanisa la
Anglican ambalo juzi limekiri kuhusika katika biashara haramu ya utumwa dhidi
ya Mtu Mweusi wa Afrika-African Transatlantic Trade-halijatolewa tamko
kukamatwa kwa Kanisa hili na kupelekwa The Hague kujibu mashitaka ya kuwafanya
watumwa Waafrika,ama kulipa fidia nje ya mahakama.
Tunaambiwa, Askofu
Mkuu wa Canterbury,Rowan Williams(amestaafu) na mwenzake wa York,John Sentamu(raia
wa Uganda) wamesema wanajuta kwa vitendo hivyo vya kishetani vya kanisa
kuwageuza binadamu kuwa kama wanyama kazi!
Kanisa hili la
Uingereza,lilimiliki mashamba Barbados ambayo yalitumikisha ndugu zetu Weusi
kama watumwa;walipigwa mijeledi kisha wakapigwa mihuli ya chuma cha moto
migongoni!
Niliwahi kuona
ng’ombe wa babu yangu wakipigwa mhuri wa moto kwenye tako ama kunako nundu,huku
wakilia kwa uchungu, ‘’booo!’’
Hili kanisa
linalojiita la Mungu,liliwapiga mhuri wa moto watumwa,watu weusi wa Bara hili
ili wawe na Mhuri, ‘SOCIETY’ migongoni mwao!
Kanisa hili
lilimiliki mashamba huko Barbados,kwa hiyo likahitaji watumwa wakufanya
kazi.Kwa sababu wangeweza kutoroka ama vinginevyo,kanisa liliona heri wawe na
mhuri wa chuma cha moto, SOCIETY katika migongo yao!
Hiki ndicho akina
Askofu Sentamu na Rowan Williams wamekiri juu juu kwamba Kanisa lilifanya
makosa na dahambi ya utumwa!
Sasa,tungetazamiwa
Kanisa liilipe Afrika fidia ya mabilioni ya Pauni za Kiingereza kwa
kuwadhalilisha ndugu zetu huku wakiwapiga mhuri wa moto, ;Society,utadhani
punda ama maksai la ng’ombe.
Kenya,tumeona juzi
MAUMAU wakikomaa na kulipwa fidia ya kama shilingi 500,000 kila Maumau;na
Ufalme wa Bunyoro ulishaifungulia kesi serikali ya Uingereza kwa kupora
rasilimali za Bunyoro zama za Ukoloni mkongwe.
Serikali ya
Uingereza iliufyata mkia na kukubali kulipa fidia,nitaeleza kisa hiki mbele ya
safari.
Nia siyo kuzua
chuki na mitafaruku mipya katika dunia; ni kutaka Uingereza na Marekani na
washirika wao,waelewe kwamba tabia yao ya kujidai watakatifu na kuwahukumu
wenzao na kuwaua kwa risasi kwamba ni madikteta ama wauaji, tunaijua fika na
waache mara moja!
Burma,makampuni ya
Kimarekani yaliwahi kutumikisha raia kujega bomba la gesi,raia wakafungua kesi
makampuni hayo yakalipa fidia.Walishirikiana na utawala wa kijeshi wa Burma
ambayo siku hizi inaitwa Myanmar.
Hatujawahi kuona
madikteta rafikiki wa Magharibi, ama Kampuni mumiani kama Royal/Dutch Shell
lililoua watu Nigeria wakati wa Sani Abacha, wakizungumzwa kupelekwa The HAGUE.
Mahakama ya mjini
Hague inayoitwa,The INTERNATIONAL Criminal Court(ICC) ilianza kazi zake Julai
Mosi,mwaka 2002.
Wao wanasema
ilianzishwa ili kudhibiti mauaji ya Kimbari Rwanda na Bosnia. Mahakama hii
ilianzishwa kwa makubaliano ya nchi 120 huko Rome, mwaka 1998.
Nchi nyingine za
Amerika Kusini zilizunga mkono Mahama hiyo,na Ulaya nzima wanaishabikia kasoro
mataifa machache hapa Afrika.
Watu kwa kutojua,
wanadani mahakama hii inalenga kuondoa kiburi cha watawala wanaoua raia zao na
wengine kushiriki vita, “Impunity” kumbe, hii ni mahakama kama chombo cha
kuwatia kabala hasa Waafrika jeuri wenye kumpinga MZUNGU na maskahi yake!
Marekani,inayojidai
kuwa pembeni na mahakama hii huchochea kila jambo;mahakama eti inapeleleza na
kuendesha kesi za mauaji ya Kimbari(genocide); uhalifu wa kivita dhidi ya utu
na ubinadamu na makosa ya kivita.
Sasa jiulize hata
wewe unayeshabikia kila kitu cha Mzungu,Kanisa la Uingereza lilipotia mhuri
watumwa migongoni kwa chuma cha moto mkali ili wawe na nembo ya ‘SOCIETY’ kwa
akili zako ilikuwa nini kama siyo uhalifu mkubwa dhidi ya utu-Crimes against
Humanity?
Mahakama hii ya ICC
imechukua hatua gani dhidi ya MALKIA ambaye ni Kiongozi wa dini hii,mradi akina
Sentamu(Mweusi)huchaguliwa na kuondoka?
Mahakama hii
huongozwa na nchi wanachama wa Umoja wa Ulaya(EU)na Umoja wa Kujihami Ulaya
Magharibi(NATO)kasoro eti Marekani na Uturuki wamejiweka kando.
Wanadanganya
wajinga kwamba eti ICC siyo chombo cha Umoja wa Mataifa(UN) isipokuwa eti ni
chombo huru cheye mamlaka kamili ya kisheria(legal capacity) ambacho hujiongoza
hata kifedha;kwamba kinahusika tu kwa wanachama,na kwamba makao makuu yake ni
The hague, Netherlands.
Nataka nikwambie
msomaji, Umoja wa Mataifa ulishashindwa kusimamia amani duniani,unashiriki
kufanya unyama na kufumbia macho mafisadi na wauaji-leo mahakama hii inafanya
nini?
Sasa,katazame akina
nani wamekamatwa na kushitakiwa au wanatakiwa kushitakiwa,utaona akina
Gbagbo,Fodday ‘Poppay’Sankoh na Charles Taylor, akina Joseph Kony,Thomas Lubanga,Jean
Pierre Bemba, akina Omar Hassan al-Bashir na wengine wachache sana wa Afrika na
Yugoslavia ya zamani!
Utawaona akina
Ruto,rais Uhuru Kenyata, na wengine zama za akina Adolf Hitler,lakini kamwe
husikii kuwakamata waliopindua serikali ya Libya ama irak ya Saddam wakiguswa!
Afrika kwa
kujiingiza kichwa-kichwa katika mahakama hiyo,wamejipalia makaa kichwani,ndiyo
maana utaona asilimia 99 ya washitakiwa ni Waafrika,wachache wa kutoka Bosnia
na Yugoslavia ya Slobodan Milosevic.
Marekani na
Uingereza wakivamia Irak ama Libya,wao si wanachama ICC kwahiyo
hawaguswi,walikuwa wakitetea demokrasia tu! Hizi ndizo ‘double standards’
ambazo wenye kufikiri vema wanaona,halafu mazuzu wa Afrika wanasema ICC hureee!
Kwa hiyo utaona ICC
IKIJIFICHA kushaghulikia kesi za Rwanda na Bosnia,kumbe wanalengwa watu wengine
walioharibu maslahi ya Ulaya kama Wakenya hawa waliosababisha makampuni ya
Kimarekani na Kiingereza kuporwa mwaka 2007,na wala siyo ile vita ya kuua watu
1400 na wengine 600,000 kukosa makazi.
Utaona
wameshughulikiwa watuhumiwa wa Kenya,Congo,Sierra Leone, Liberia , Ivory
Coast ,Angola,Sudan n.k
Waafrika
watakapong’amua ICC ni mtego wa kuwanasa ili watiwe chapa migongoni mithili ya
watumwa wa KANISA LA ANGLICAN, watakuwa tayari na mihuri ya society migongoni!
Ufunuo 13:11-18
inasema habari ya watu ‘kutiwa chapa’ katika mapaji ya nyuso na mikono ya kulia
ya utekelezaji wa sera za Magharibi.
Wau hawataki
kujifunza tunakokwenda,wamesalia kushabikia kila kinacholetwa ana akina Obama
na Cameron.
Safari hii siyo
mhuri wa SOCIETY,ni 666, na namba hii wanaijua wenye akili tu.
Nimeandika kwamba
ICC ilikubaliwa kuanzishwa mjini Rome Italia, wajanja wanapojificha ndani ya
majoho ya Kanisa siku hizi tunaona wakihubiri siasa na kuwatukana wazi mawaziri
na serikali hata ya Tanzania,maana wanajua wanawakilisha SOCIETY.
ICC imemweka “Chief
Prosecutor” mpya kutoka Gambia,Fatou Bensouda,baada ya kelele za afrika kwamba
ICC inawashitaki Waaafrika tu.
Bensouda,
amekwishakanusha jambo hili maana kapewa ulaji huko Marekani na Ulaya,sasa
kumrithi Luis Moreno-Ocampo,wengine wanaona Afrika imeula sana!
Marekani na
Uingereza wamekuwa wakishirikiana na madikteta lukuki hapa, akina Joseph Desire
Mobutu Sese-seko, “Kuku Ngbendu wa za-Banga”.
Labda,hukujua
tafsiri hasa ya jina hili la rafiki mpendwa wa Ulaya na Marekani. Ni ‘Mpiganaji
anayeshinda kutoka vita moja hadi nyingine,na nyuma aliacha maangamizi
yasiyosahaulika!”
“The all-powerful warrior who goes from conquest
to conquest, and leaves behind unforgettable destruction of his enemies”.
Sasa jiulize, huyu
mobutu alishirikiana na hawa jamaa kumuua Patrice EMERY Lumumba,zama za
uhuru.Kama Marekani kuna demokrasia na uhuru,kwanini Mobutu muasisi wa
maangamizi wa wapinzani wake hakushughulikiwa?
Septemba 17, mwaka
1961,Katibu Mkuu wa Umoja wa MATAIFA,DK Darg Hammarskjold wa Sweden akajitia
kusuluhisha mgogoro wa Congo uliodumu miaka 50, alitegeshewa bomu angani
ndegeni jirani na uwanja wa ndege wan DOLA,nchini Zambia,akafa kwa kinachoitwa
Ajali na NDEGE,kumbe Shirika la Ujasusi la Marekani,CIA lilimuulia mbali.
Hili shirika la CIA
lilikuwa swahiba wa Makaburu wa Afrika Kusini,na liliwasaidia sana akina Jonas
Savimbi na UNITA huko Angola.
Kifo cha
Hammarskjold hakikuwa tofauti sana na kile cha Samora MACHEL WA MSUMBIJI.
Kuna uhalifu na
wahalifu tele waliotengenezwa na CIA:Saddam Hussein,Gaddafi,Osama bin
Laden,Jonas Savimbi,Charles Taylor akina Sankoh waliofia the Hague walipokea
amri kutoka Washington!
Dikteta Sani Abacha
aliwaua akina Ken Saro-Wiwa ili mafuta na Ogoni,Niger Delta yazidi kuwanufaisha
makampuni ya nje na serikali ya kijeshi ya Abacha.
Nataka kusema
kwamba,Makao Makuu ya AU,Addis Ababa na Mahakama ya mjini Hague,ni maadui wa
dhati wasiojuana,ambao hata sasa wanabusiana! Itaendelea
0786 324 074
No comments:
Post a Comment