BARACK OBAMA, ni Rais wa Taifa kubwa kuliko yote
Duniani(Marekani), ametangaza kuunga mkono Ndoa za Jinsia Moja,Mei 10 mwaka
huu.
Tangu uhuru,Julai 6 mwaka 1776,hakuna Rais wa
Marekani,miongoni mwa marais 43 waliomtangulia, aliyewahi kuunga mkono ushoga
na usagaji.
Obama, ni Rais wa 44 wa nchi hii inayofananishwa na
MWANAKONDOO mwenye pembe mbili(Tazama Ufunuo wa Yohana 13:11-18) katika Biblia.
Nchi iliyowatunza Wakristo na kuwapa upendo(lamblike beast)
yenye kutenganisha masuala ya dini na siasa(separation of powers), inaoneshwa katika unabii huu kuwa
ilikuwa na pembe mbili(two horned).
Pembe,katika unabii ni mamlaka(Zaburi 18:2,Luka 1:69).Pembe
mbili zinatafsiriwa vizuri katika sanamu liitwalo, THE STATUE OF LIBERTY;
umewahi kuliona?
Sanamu hili, tangu mwaka 1886 linaashiria Dunia nzima kwamba
Marekani kuna uhuru wa kusema na uhuru wa kuabudu. Lilisanifiwa na kujengwa na
Mfaransa, Frederic Auguste Bartholdi(1834-1904).
Wafaransa waliwakabidhi Wamarekani sanamu hili la Uhuru
ambalo lipo mbele ya lango la Bandari ya mjini New York. Sanamu hili ndilo
huwakaribisha wakazi wote wa Dunia mjini New York ambao hufika nchini humo kwa
meli.
Kuna mwenge unaoshikiliwa
na mkono mmoja wa sanamu hili, unamaanisha UHURU na demokrasia, na mkono wa
pili unashikilia Biblia kuonesha uhuru wa dini,ama uhuru wa kuabudu,tofauti na
ilivyokuwa Ulaya.
Sanamu hilo
lilikamilika kujengwa Mei 21, mwaka 1884. Uzito wake ni Pauni 450,000 au tani
225. Sanamu hilo ambalo ni makumbusho ya Taifa, mkono wake wa pili umeshika
Biblia, kuonesha uhuru wa watu kuabudu,bila kulazimishwa.
Sanamu hili la uhuru linalotenganisha masuala ya dini nay a kiserikali,na
linalohamasisha demokrasia na uhuru wa dini,kwa karne nyingi, limeashiria
demokrasia na uhuru ukiwemo wa ibada katika nchi hii.
Hata hivyo, kwa Tangazo la Rais Obama kwamba yeye na
mkewe,Michelle, na bintize, Malia na Sasha, na rafiki zao wa karibu,hawaoni
ubaya wa ndoa za jinsia moja,na kwamba wanawaunga mkono mashoga na wasagaji,
maana yake ni kama ifuatavyo:
Kwanza, Obama ni Rais wa Taifa kubwa duniani. Kauli yake ni
kama Amri ya 10 ya Mungu Duniani! Mivuto yake katika dunia ni mikubwa sana kwa
watu wengi.Sasa kutangaza kutoona ubaya wa ushoga na usagaji,maana yake ni
kuutangazia Ulimwengu kwamba wanaopinga ushoga,ni wajinga na wapuuzi hivi.
Maana yake ni kwamba, ni kusisitiza nchi masikini duniani
kubadili Katiba zao ili kuunga mkono ndoa za Jinsia moja, kwa kuwa hata Obama
anaona hazina shida, ndiyo maana hata yeye mwenyewe alishawachagua mashoga
takriban 200 katika nafasi za juu za utumishi wa umma serikalini mwake.
Sasa, tunaingia rasmi
katika Sodoma na Gomora. Marekani iliyokuwa nchi ya uhuru wa siasa na Dini,
imeanza kunena kama JOKA-Ibilisi, Obama kutangaza kuunga mkono ushoga,maana
yake ni kuutangazia Ulimwengu UHURU dhidi ya Sheria za Mungu muumbaji, na uhuru
dhidi ya mbinyo wa AMRI 10 ZA MUNGU.
Katika Ufunuo 13:11 Biblia inatabiri kwamba,Marekani yenye
uhuru,demokrasia na haki za binadamu katika katiba yake, sasa ingeutumia UHURU
huo na demokrasia kuachana na Mungu na matakwa yake na kwenda katika njia ya
Shetani(kunena kama Joka).
Makamu wa Rais wa
Obama, Joe Biden na Waziri Mkuu wa Uingereza,David Cameron ni miongoni mwa watu wakuu duniani wanaounga
mkono ushoga na usagaji.Wewe nani hadi upinge? Ukipinga, unapinduliwa, tena
wanyimwa msaada,unawekewa vikwazo-economic sanctions!!
Marekani,nchi ya
Waprotestanti,Wakatoliki ni wachache. Marekani inaanza kunena kama JOKA ambaye
ni Shetani. Nchi hii ya Wakristo wengi wanaoamini kwamba NDOA ni muungano kati
ya watu wawili wa jinsia tofauti, ndoa iliyohasisiwa na Mungu mwenyezi katika
Bustani ya EDENI, sasa imeanza kutangazwa kwamba ni muungano wa watu
wawili,mradi wawe na umri kuanzia miaka 18.
Dini ya
Angican(Malkia Elizabeth ndiye Mkuu wake) ilishakubali ndoa hizi za mashoga,
ingawa Kanisa hili hapa Afrika linapinga jambo hili na kusisitiza kuwa ndoa iwe
muungano wa hiari kati ya mume na mke.
Askofu, V. Gene Robinson wa Jimbo la Hampshire huko Marekani
ndiye askofu wa kwanza mume kuolewa na mwanaume mwenzake aitwaye Mark Andrew.
Ni miaka michache tu iliyopita, na hawa walifunga ndoa kanisani tena mbele ya
ndugu zao wa pande mbili.
Majimbo takriban 10
ya Marekani yamekubali ndoa hizi, na majimbo mengine mashoga wanafunga ndoa kwa
leseni. Haya mambo yamefika hadi Afrika ya Kusini,na Kenya nayo iko hatarini,
hata Tanzania katiba yetu inaweza kuwekwa kipengele cha haki za mashoga na wasagaji kuoana.
Naam, huu ndiyo uhuru
na demokrasia tunayotaka, ndiko tuendako,ukurasa mpya umefunguliwa na Obama na
David Cameron, huu ni UHURU DHIDI YA MUNGU!
Unaweza kujiuliza
kwamba, Marekani inaheshimu sana demokrasia na uhuru wa watu? Mbona gereza la
Guantanamo huko Cuba,linawatesa wafungwa na raia wanahukumiwa katika magereza
ya kijeshi,hata kama ni magaidi?
Kuanzia hapa,tunamaizi kwamba Mungu ameanza kupingwa
waziwazi na sheria zake zinazopingwa ushoga na usagaji zimewekewa kibanzi,ili
zisitumike,ndiyo Marekani kunena kama JOKA.
(ii)
Nijadili kidogo kuanguka kwa ukuta wa Berlin mwaka
1994,kwamba kuliashiria kumalizika kwa VITA BARIDI,baada ya Vita vikuu vya Pili
vya Dunia 1945.
Kumalizika kwa vita
Baridi,vilivyoanza baada ya vita vya pili kwisha, maana yake ni kuufagilia
mbali UKOMUNISTI.Dola la Urusi la Kisovieti(USSR) liliparaganyika tangu mwaka
1991.
Ukuta wa Berlin ulioitenga dunia katika Mihimili miwili ya
Magharibi na Mashariki ulishavunjwa na kuifanya dunia kuwa kama kijiji kimoja.
Kuanguka kwa Ukuta wa Berlin na Kuparaganyika kwa Dola la Kisovieti la
Urusi(USSR) ni kuonesha kwamba ubepari ulikuwa umeushinda ujamaa duniani.
Tunaishi katika zama
za MWENYE NGUVU MPISHE.Kuanguka kwa ukuta wa Berlin na UKOMUNISTI maana yake ni
kwamba “Mto Frati” uliokuwa ukiitenda dunia ya zama za Waisraeli kati ya
Mashariki na Magharibi, ulikuwa umeanza ‘kukaushwa’.
MMchakato wa kukaushwa maji ya Mto Frati(the dries up
process of the River Euphrates) ulishaanza,ili njia itengenezwe wafalme watokao
nji za Mashariki(UCHINA,INDIA,JAPAN n.k) wapiti na kwenda kuungana na madola ya
Magharibi. Tumeona mataifa ya Kisovieti yakijiunga NATO na Umoja wa Ulaya EU.
Tumeona,
Uchina,Urusi, Japan,Korea Kusini,Pakistan,India n.k wakishirikiana na Mataifa
ya NATO hata kutoa ardhi zao kwa majeshi ya NATO na mashirika ya kijasusi kama
CIA na MOSSAD kutekeleza Operesheni anuwai za kijeshi.
Tumeona nchi za Kiarabu zikigeuza ardhi zao kuwa Base za
kijeshi za Marekani na washirika wake, tunaona juhudi za mataifa ya Mashariki
hata kujiunga umoja wa sarafu moja ya Euro-Euro Zone , tunaona juhudi za
Mashariki kushiriki Soko la Pamoja Ulaya European Common Market n.k
Ufunuo 16:12-16
huonesha wazi kwamba nchi za Kisovieti na zingine za Mashariki na mrengo wa
kijamaa, zitaungana na Ulaya na Marekani, na zitaachana na imani zao na ibada
zao na kwenda kuungana na roho za
mashetani, za Freemasons na Illuminati,ndiyo ROHO ZA VYURA na manabii wa
Uongo(Ufunuo 16:13-16)
Har-Magedon, ni vita
dhidi ya Mungu na Amri 10. Mataifa yote ya Dunia yataungana ili kumpinga
Mungu,yataungana na Ibilisi kwa misingi ya kusaka uhuru na demokrasia.Pepo
wachafu wataungana na wanadamu ili kukataa mafundisho ya Mungu na maagizo
yake,wanaanzia kwenye kanuni za ndoa na imani ya kweli.
Dunia nzima itaungana
kiuchumi,kisiasa, na wale waliokuwa na itikadi za Carl Marx(Marxists)
wataondolewa kwa nguvu kubwa.
Hadithi ya Illich Ramirez Sanchez(Carlos The Jackal)
inatuonesha namna hawa Wa-Marx walivyoshindwa na ubepari.
Carlos The Jackal(63) alizaliwa Caracas,Venezuela mwaka
1949. Babaye alikuwa mfuasi wa siasa za Karl Marx akawahusudu mno wanamapinduzi
wa Amerika Kusini: Carlos Merighella, Camillo Torres na Che Guevara.
Carlos, ni mfano wa Osama bin Laden wa zama hizo, alipinga
ubeberu wa Magharibi kwa njia ya nguvu za kigaidi,Mungu hataki kutumia njia
hizo ili kuleta haki duniani.
Alisoma katika Chuo
cha kijeshi cha Mantanzas huko Havana,Cuba na akatokea kuwa Komandoo kutokana
na walimu wa medani za kijeshi wa Urusi.
Babaye hakumwamini
Mungu na mamaye alikuwa Mkatoliki,wakaachana. Carlos alikwenda London, baadaye
akapelekwa kkusoma katika Chuo Kikuu cha wanamapinduzi cha Patrice Lumumba,huko
Moscow.
Carlos, alikuwa ‘troublemarker’
dhidi ya maslahi ya mabeberu wa Magharibi. Akajiunga na Chama cha Popular Front
for The Liberation of Palestine(PFLP)
Wakateka nyara watu na ndege za Magharibi ili kudai uhuru wa Palestina.
Carlos, alijiunga na
PFLP mwaka 1970 akapewa jina la Carlos kwa sababu ya asili yake ya Venezuela,
Amerika ya Kusini.
Aliitwa, The Jackal
na gazeti la The Guardian la Uingereza kufuatia kisasiri(novel) cha Mwandishi Fredrick
Forsyth.
Itaendelea
0786 324 074
No comments:
Post a Comment